მაღარაულა
მაღარაულა - წყარმალუ დუშეთიშ მუნიციპალიტეტიშ ოფუტე მაღაროსკარს. აკათუ არაგვის. წყარმალუს უღჷ ჟირი ოდუდე, ართი ნადუ ოდუდეს ეთმოჭოფუნს ოფუტე გომეწარიშ უკოხოლენი ჸურეშე, არდგილ სიმაგრეულაშე დო თე ნადუს სიმაგრეულაშ ლეხერს უძახუნა. მაჟირა ნადუ ოდუდეს ეთმოჭოფუნს მაღაწლიშ გვალაშ ჯინჯიშე დო ოფუტე გომეწარს ულუანს წოხოლე. თე ნადუს გომეწრულას უძახუნა. საბოლათ თე ჟირი ნადუ იართანებუ გომეწარიშ მინალჷწკჷმა. თე ჟირი ნადუშ დო ჟირი ჯოხოშ უმუკუჯინუო წყარმალუს იშენი მაღარაულა ჯოხო, რახან ოფუტე მაღაროსკარს გჷშმურს დო არაგვის წორას თაქ აკათუ. წყარმალუ ობაღინაფალო ხვეწყარამი რე დო ხვეჩხომამი (ჯინჯიერო კალმახი). აფუნს თირიშ წირადუაწკჷმა ართო წყარმალუ ძალამს ეთმიდიდებუ დო დო შხირ შვანს კალაპოტშეთ გჷნმურს. წორას თე წყარმალუს გჷშმურს საქორთუოშ ოურდუმე (სახენწჷფო) შარა. თე შარათ არსხუაფუ დოსქილადირ საქორთუოს: ფშავი, თუშეთი, ხევსურეთი, შუაფხო, უკანა ფშავი დო ჩარგალი.