მენინგიტი

ვიკიპედიაშე
მენინგიტი
წიმინდე კულტურა Neisseria meningitidis. ფერი გრამიშ მეჯინათ
ICD-10 G0-G3{{{2}}}.{{{3}}}
ICD-9 320-322
DiseasesDB 22543 22543
MedlinePlus 000680 000680
eMedicine med/2613  med/2613 
MeSH D008581 D008581

მენინგიტი (ტერმინი აკმოდირთუ ჯვ.-ბერძენ. μῆνιγξ-შე დო (ლათ. meninx, meningis-შე) — „ტვინიშ დაცხი“ დო სუფიქსი ლათ. -itis — ანთებაშ პროცესის შანენს) — დუდიშ ტვინიშ დო ოჭიშიშ ტვინიშ დაცხიშ ანთება. გიშმართჷნა ლეპტომენინგიტის — ლიბუ დო ბონდღილი ტვინიშ დაცხეფიშ ანთებას დო პაჰიმენინგიტი — ტვინიშ მანგარ დაცხიშ ანთებას. კლინიკურ პრაქტიკას ტერმინი „მენინგიტიშ“ გიმე რჩქავენლობურო იგურიშხონარენა ტვინიშ ლიბუ დაცხიშ ანთებას. მენინგიტი გუთმორჩქინდუ მუჭოთ ზოხო ლახარა ვარდა მუჭოთ შხვა პროცესეფიშ გოუფრაშაფა. მენინგიტიშ არძაშე შხირი სიმპტომეფი რე — დუდიშ ჭუა, კინჩხიშ რიგიდულობა ჩხე ლახარაწკჷმა ართო, გიმეჩინებიერობაშ დგომარობაშ თირუა დო სინთეშ (ფოტოფობია) დო ხონარიშ მაგინაფობა. კანკალეშა, გიშაკერზაფილო ბაღანეფს, შილებე უღუდას ვასპეციფიკური სიმპტომეფი — გაჟღამება დო ლურენჯობა.

მენინგიტიშ დიაგნოსტიკაშ გიმირინუანა ლუმბალურ პუნქციას. ნამუთ დგომარენს გაგაჩიშ არხშე ოჭიშიშ ტვინიშ სითხაშ შპრიცით ეშაღალას დო ეშნაღელს გიმირკუენა ლახარაშ გიმმაჭანაფალიშ მიოგორაფალო[1]. მენინგიტიშ ოკურნალე ანტიბიოტიკეფიშ, ვირუსაწმარენჯი დო სოკოშ აწმარენჯი საშუალებეფიშ მოხვარათ. კანკალეშა ანთებაშ გორთულებეფიშ დუდშე აღებელო გიმირინუანა სტეროიდულ მეშქაშალეფს.

მენინგიტის, გიშაკერძაფილო კურნალუაშ გინოდვალათ, შეულებუ სერიოზული გორთულება გიმიჭანუასჷნ: დაჸუნგება, ეპილეფსია, ჰიდროცეფალია დო ბაღანეფს გონებური გოვითარაფაშ პრობლემეფი. შილებე ლეტალური შედეგი (ღურა) გიმიჭანუასჷნ. მენინგიტიშ კანკალე ფორმა (ნამუსჷთ მენინგოკოკეფი გიმიჭანუანა, b ტიპიშ ჰემოფილური ილარით, პნევმოკოკეფით დო პაროტიტიშ ვირუსეფით) შილებე დუდშე ეჩილითაფირქ იჸუას აცრეფით[2].

კლასიფიკაცია[რედაქტირაფა | წყუშ რედაქტირაფა]

1. ანთებითი პროცესიშ მახასიათაფალით
  • ჩირქამი
  • სეროზული

2. გიმოჭანაფათ

  • მაართაფონი
  • მაჟირაფონი

3. ეტიოლოგიათ

4. სიმპტომეფიშ მალობათ

  • მალასიანი (ფულმინანტური)
  • წვავე
  • წვავეშახიანი
  • ქრონიკული
5. დორხველური ლოკალიზაციათ
  • ბაზალური
  • კონვექსიტალური
  • ტოტალური
  • სპინალური

6. სიმონკაშ მეჯინათ

  • ქექე
  • ოშქაშე-სიმონკაშ
  • მონკა

7. გართულაფაშ მეჯინათ

  • გორთულაფირი
  • ვაგორთულაფირი
კლინიკური ფორმეფით მენინგოკოკური ინფექცია ირთუ

1) ლოკალიზაფილი ფორმეფი:

  • მენინგოკონოსიტურობა.
  • წვავე ნაზოფარინგიტი.

2) გენერალიზაფილი ფორმეფი:

  • მენინგოკოქცემია (სეფსისიშ ვარიანტი).
  • ტიპიური
  • მალასიანი
  • ქრონიკული
  • მენინგიტი
  • მენინგოენცეფალიტი
  • ესვარილი ფორმეფი (მენინგიტი, მენინგოკოკცემია).

3) ოშა-გოშა ფორმეფი:

  • მენინგოკოკური ენდოკარდიტი
  • პნევმონია
  • ართრიტი
  • ირიდოციკლიტი
მენინგოკოკური მენინგიტიშ მოსოფელს გოფაჩუაშ მაძირაფალი (2009)
მენინგიტიშ ორტყაფუ
ეპიდემიური ზონეფი
სპორადული შვანეფი

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. Tunkel AR, Hartman BJ, Kaplan SL, et al' (November 2004). „Practice guidelines for the management of bacterial meningitis“. Clinical Infectious Diseases 39 (9): ხს. 1267–84. DOI:10.1086/425368. PMID 15494903. 
  2. Sáez-Llorens X, McCracken GH (June 2003). „Bacterial meningitis in children“. Lancet 361 (9375): ხს. 2139–48. DOI:10.1016/S0140-6736(03)13693-8. PMID 12826449.