მერიტოკრატია
მერიტოკრატია — მართუალაშ ფორმა ვარ-და შხვა სტრუქტურა, სოდე პოსტეფი გინმაჩამუ დო გამამინჯალა მიაჩამჷნა ადამიერეფს, თინეფიშ დემონსტრირაფილ ნიჭიშა დო შილებუანალაშა (დოინალაფაშა) გეპონუათ. [1] მერიტოკრატიაშ ბორჯის, ჯარალუა აჯილდენს (სიდინდარეთ, პოზიციათ ვარ-და სოციალური სტატუსით) თინეფს, მისჷთ დორხველ ნიჭის დო კომპეტენციას წჷმარინუანს მუში ულირი რინაშული გჷმოცადაფათ ვარ-და მუთუნნერ რკინაფას გომორძგუათ. ფასებაშ სისტემეფი, მუჭოთ რე, ართიმართო, ფორმალური გონათუა ბონას რე მერსხილჷ მერიტოკრატიულ მეჯინეფწკჷმა.
თე ირფელი, აწურე შხვა ღირებეფიშ სისტემეფს, სოდე ლეგიტიმურალა გეპონჷ სიდინდარეშ ღვენას (პლუტოკრატია), ფანიურ რსხუეფს (ნეპოტიზმი), დორხველუას (ოლიგარქია), მაჸალობას (ქრონიზმი), უნჩაშ-უკულაშარას (გერონტოკრატია), პოპულარალას (დემოკრატია) ვარ-და შხვა სოციალური სტატუსიშ დო პოლიტიკური ხემანჭუაფაშ დეტერმინანტეფს.
ტექნოკრატია რე მერიტოკრატიაშ ფორმა, სოდე პოსტის დორინაფა მუთმოხვადჷ დემონსტრირაფილი ტექნიკური ექსპერტიზაშ ოსხირშა.