დინორეშა გინულა

მეროვინგეფი

ვიკიპედიაშე
მეროვინგეფიშ ომაფეშ რუკა

მეროვინგეფიფრანკეფიშ სახენწჷფოშ მაართა ომაფე დინასტია. თინეფი ფრანკეფს მართუნდეს მახუთა ოშწანურაშ შქა პერიოდიშე 751 წანაშახ. დინასტიაშ დუმარსხუაფალო მერჩქინელი რე ლეგენდარული მეროვეუსი (ფრანგ. Mérovée, Merowig)- სალიკური ფრანკეფიშ მაფა.

მეროვინგეფიშ დინასტიაშ მაართა შინელი წჷმმარინაფალეფი რდეს ხილდერიკ I დო თიში სკუა ხლოდვიგ I. ხლოდვიგიქ მიღუ ქირსიანობა დო ართი ხეშულობაშ თუდო გაერთიანჷ ფრანკეფი დო ქიდეკინჷ გალიაშ ტერიტორიაშ უმენტაშობა.

მეროვინგეფქ ორჯგინეს ვესტგოთეფს (507), ბურგუნდეფს (534) დო თაშნეშე გემშიჭკირეს რეციაშა (537). გერმანიაშ ტერიტორიეფს მახორუ ალემანეფქ, ბავარიალეფქ დო საქსეფქ დეყაბულეს მეროვინგეფიშ ხეშულობას. თეოდორიხ დიდიშ იმპერიაშ აკოციმაშ უკულ, მეროვინგეფიშ ომაფე ითვალუდჷ ართ-ართი ნძალიერი დო გოლინიანი სახენწჷფოთ ბჟადალი ევროპას.

მეროვინგეფიშ მართუალაშ ეკონია პერიოდეფს, მაფეფს უღუდეს უმოსო ცერემონიული პოსტი. სახენწჷფო საქვარეფი კონცენტრირებული რდჷ მაიორდომეფიშ ხეს. ჭიე-ჭიეთ თინეფიშ ფუნქციეფქ გეფართინუ. ართ-ართი მაიორდომი რდჷ პიპინ კუნტა, ნამუქჷთ 751 წანას გეგთარაგუ ხილდერიკ III დო დუდი მაფათ გეგმაცხადჷ. ჸათაშ დოთირუ მეროვინგეფი კაროლინგეფიშ დინასტიაქ.

რესურსეფი ინტერნეტის[რედაქტირაფა | წყუშ რედაქტირაფა]