ფრანკეფი
ფრანკეფი (ლათ. Franci, ფრანგ. Francs) — ჯვეში გერმანული ტომეფი, ნამუეფით ოხორანდეს თუდონი რაინიშ გოხოლუას, რომიშ იმპერიაშ ხურგიშ ოორუეშე. შქა ოშწანურეფიშ ბორჯის, გეფართინუ ფრანკეფიშ ტერიტორიაქ. ჸათე პერიოდის ბჟადალი ევროპაშ, გიშაკერზაფილო თეხანური საფრანგეთიშ ტერიტორიაშ მახორუეფს ფრანკეფს უძახუდეს. ბჟადალი რომიშ იმპერიაშ აკოციმაშ უკულ, ფრანკეფიშ ხემანჯღვერეფქ ქიდეკინეს ტერიტორია წყარმალუეფიშ ლუარაშ დო რაინიშ ოშქაშეთ. ფრანკეფიშ ექსპანსიაშ შედეგო, რომიშ იმპერიაშ ჸოფილი ბრელი დიხაქ მიშელჷ ფრანკეფიშ ომაფეშ აკოდგინალუაშა.
მასუმა ოშწანურაშახ ისტორიას ვაჩქუნა ფრანკეფი, მარა ნამთინე უჯვეშაში ფრანკული ტომეფი რჩქინელი რდჷ რომაალეფიშო. მუშენდა რომიშ იმპერიაშო თინეფი ფშხირას რდეს ნტერეფი, თაშნეშე მაჸალეეფი. ფრანკეფი გითმიანთხუდეს რომიშ იმპერიაშ სანძღოეფს დო რჩუნდეს. ფრანკეფს ფშხირას უღუდეს კონფლიქტი შხვა გერმანული ტომეფი - საქსეფიწკჷმა.
ფრანკეფს მენცარეფი რთუნა ჟირი ნორთო: სალიკური ფრანკეფო დო რიპუარული ფრანკეფო.
სალიკური ფრანკეფი რდეს ხილდერიკ I დო თიში სკუა ხლოდვიგ I, მეროვინგეფიშ დინასტიაშ წჷმმარინაფალეფი. მეროვინგეფი ფრანკეფს მართუნდეს მახუთა ოშწანურაშ შქა პერიოდიშე 751 წანაშახ. მეროვინგეფქ ქიდეკინეს გალიაშ ტერიტორიაშ უდიდაში ნორთი, ორჯგინეს ვესტგოთეფს, ბურგუნდეფს დო თაშნეშე გემშიჭკირეს რეციაშა.
მეროვინგეფიშ დინასტია დოთირუ კაროლინგეფიშ დინასტიაქ. 751 წანას, მეროვინგეფი გეგნჸათეს რომიშ პაპიშ დო არისტოკრატიაშ გოლინათ.
კაროლინგეფქ ხეშულობაშ პიკის მიოჭირინეს 800 წანას, მუჟამსჷთ ფრანკეფიშ მაფა კარლოს დიდიქ გჷმოცხადებულქ იჸუ საღორონთო რომიშ იმპერიაშ იმპერატორო. კარლოს დიდიშ ხეშულობაშ თუდო გეერთიანჷ ბჟადალი დო ცენტრალური ევროპაშ ტერიტორიეფიშ უმენტაშობაქ.
870 წანას ფრანკეფიშ ომაფექ გირთუ ბჟადალი დო ბჟაეიოლი ომაფეეფო. ფრანკეფიშ ბჟადალი ომაფეშ მონძეთ გინირთჷ მუმალიშ საფრანგეთიშ ომაფექ დო ბჟაეიოლი ომაფეშ ტერიტორიაშ მახორუეფს გიადჷ ფრანგეფიშ ჯოხოდვალაქ.
ლიტერატურა[რედაქტირაფა | წყუშ რედაქტირაფა]
- (2005) "Franks", The Oxford Dictionary of Byzantium. Oxford University Press. ISBN 9780195187922.
- (2004) "Franks", The Oxford Companion to Military History. Oxford University Press. ISBN 9780191727467.