დინორეშა გინულა

მესროპ მაშტოცი

ვიკიპედიაშე
მესროპ მაშტოცი
სომ. Մեսրոպ Մաշտոց
დაბადებაშ თარიღი:

დოხოლაფირო 362

დაბადებაშ აბანი:

ჰაციკი, თარონი, დიდი სომხეთი

ღურაშ თარიღი:

17 ფურთუთა, 440

ღურაშ აბანი:

ვაღარშაპატი, სასანიანეფიშ სომხეთი

მენოღალობა:

დიდი სომხეთი

ომენცარე სფერო:

ლინგვისტიკა,
თეოლოგია

ჯოხოშინელი მოგურაფეეფი:

მოვსეს ხორენაცი

ჩინებული რე მუჭოთ:

სომეხური ჭარალუაშ დუმარსხუაფალი

მესროპ მაშტოცი (სომ. Մեսրոպ Մաշտոց; დ. დოხოლაფირო 362, ჰაციკი, თარონი, დიდი სომხეთი — ღ. 17 ფურთუთა, 440, ვაღარშაპატი, სასანიანეფიშ სომხეთი) — სომეხი ლინგვისტი, თეოლოგი, კომპოზიტორი, ჰიმნოლოგი, სახენწჷფო მოღალე, სომეხური ეკლესიაშ წიმინდე, ბიბლიაშ სომეხურ ნინაშა მათანგალი დო სომეხური ჭარალუაშ დუმარსხუაფალი. ნამთინე მენცარეფიშ მეჯინათ, მაშტოცი თაშნეშე მერჩქინელი რე ქორთული დო ალბანური ჭარალუეფიშ დუმარსხუაფალო.

მაშტოცის ჯგირი გონათაფა მეუღებჷ. ნოჩქვე ბერძენული დო სპარსული ნინეფი. ართი პერიოდის ნომუშებუე სომხეთიშ მაფა ხოსროვ IV-შ მელამოსეთ. უკულიანი ბორჯის, მაშტოცის ომაფე კარი ქუდუტებუ დო ოხვამეშა მიდურთუმუ, სოდეთ ასკეტურო ნოცხოვრებუე.

დოხოლაფირო 405 წანას მაშტოციქ აკადგინჷ სომეხური ჭარალუა — ანბანი, ნამუქჷთ იღვენუ დიდი შანულობა სომეხური ერუანული იდენტობაშო. მაშტოციქ სომხეთიშ შხვადოშხვა ტერიტორიეფს დარსხუ სკოლეფი, სოდეთ სომეხური ჭარალუა იგურუაფუდჷ. მაშტოცის ჸუნდჷ ბრელი შინელი მოწაფე: ეზნიკ კოღბაცი, კორიუნი, მოვსეს ხორენაცი დო შხვეფი.

რესურსეფი ინტერნეტის[რედაქტირაფა | წყუშ რედაქტირაფა]