მილუტინ მილანკოვიჩი

ვიკიპედიაშე
მილუტინ მილანკოვიჩი
სერბ. Милутин Миланковић

მილანკოვიჩი დოხოლაფირო 1924 წანას
დაბადებაშ თარიღი:

28 მესი, 1879

დაბადებაშ აბანი:

დალი, ავსტრია-უნგრეთიშ იმპერია (ასეიან ხორვატია)

ღურაშ თარიღი:

ქირსეთუთა 12, 1958 (79 წანერი)

ღურაშ აბანი:

ბელგრადი, სერბეთიშ სრ, იუგოსლავიაშ სოციალისტური ფედერაციული რესპუბლიკა

მენოღალობა:

იუგოსლავიაშ შილა იუგოსლავია

ომენცარე სფერო:

მათემატიკა, ასტრონომია, ასტროფიზიკა, კლიმატოლოგია, პალეოკლიმატოლოგია, გეოფიზიკა

სამუშაშ აბანი :

ბელგრადიშ უნივერსიტეტი

ალმა-მატერი:

ვენაშ ტექნიკური უნივერსიტეტი

ხეშმოჭარუა:

მილუტინ მილანკოვიჩი (სერბ. Милутин Миланковић; დ. 28 მესი, 1879, დალი, ავსტრია-უნგრეთიშ იმპერია (ასეიან ხორვატია) — ღ. 12 ქირსეთუთა, 1958, ბელგრადი, სერბეთიშ სრ, იუგოსლავიაშ სოციალისტური ფედერაციული რესპუბლიკა) — სერბი მათემატიკოსი, ასტრონომი, კლიმატოლოგი დო მენცარობაშ პოპულარიზატორი.

მილანკოვიჩი შინელი რე ჟირი, ფუნდამენტალური კონტრიბუციათ. პირველი კონტრიბუცია რე "დიხაუჩაშ ინსოლაციაშ კანონი" დო მაჟია რე ციკლეფი, ნამუთ ეთმონწყუნს დიხაუჩაშ კლიმატიშ ვარიაბელურობას დიხაუჩაშ ჸარაფიშ მეჯინათ.

მილანკოვიჩი მერჩქინელი რე პლანეტარული კლიმატოლოგიაშ ართ-ართ დუმარსხუაფალო. თიქ გჷმოთვალჷ დიხაუჩაშ ატმოსფეროშ ჟინი ფენეფიშ ტემპერატურეფი დო დინახალენი ბჟაშ სისტემაშ პლანეტეფიშ: მერკურიშ, ვენერაშ, მოროხიშ დო დიხაუჩაშ ალმაშარეშ თუთაშ ტემპერატურული კონდიციეფი.

მილანკოვიჩი გურაფულენდჷ ინჟინერიას ვენაშ ტექნიკურ უნივერსიტეტის. გურაფაშ თებაშ უკულ მუშენდჷ ბელგრადიშ უნივერსიტეტიშ პროფესორო. 1926-1927 წანეფს რდჷ უნივერსიტეტიშ ფილოსოფიაშ ფაკულტეტიშ დეკანი.

მილუტინ მილანკოვიჩი რდჷ სერბეთიშ ხელუანობეფიშ დო მენცარობეფიშ აკადემიაშ დო გერმანიაშ მენცარობეფიშ ერუანული აკადემიაშ - ლეოპოლდინაშ მაკათური.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: