ნანდული ზისხირი

ვიკიპედიაშე
ნანდული ზისხირი
ჟანრი ურთა დრამა
მერმენწა
უჩა კომედია
ავტორი სერიეფი:
ალან ბოლი
წინგეფი:
შარლინ ჰარისი
თარი თემა „Bad Things“ - ჯეის ევერეტი
ქიანა ააშ
ნინა ინგლისური
სეზონი 7
ეპიზოდი 80
ემაჸონაფალი პროდიუსერ(ეფ)ი ალან ბოლი
გრეგ ფაინბერგი (მაჟირა სეზონი)
კამერა ართი კამერა
ხანგინძალა 50-55 წნ.
მაართათ ეთერს ეკენია 7, 2008 (2008-09-07)
ეკონია შვანს ეთერს 24 მარაშინათუთა, 2014
საიტი
ნანდულ ზისხირიშ მაკათურეფიშ შეხვალამა.

ნანდული ზისხირი (ინგლ. True Blood) — ამერიკული ფენტეზიშ ჟანრიშ დრამატული ტელესერიალი, ნამუშ დჷმარსხუაფალი დო პროდიუსერი რე ალან ბოლი, ხოლო ოტელევიზიე სერიალი „ამშვი ფუტი დიხაშ თუდო“ ავტორი. სერიალი დორსხუაფილი რე შარლინ ჰარისიშ რომანეფიშ სერიას „ობჟათეშ ვამპირული ოფულარეფი“ დო ვამპირეფიშ დო ადამიერეფიშ ართოიანი რინას ეჭარჷნს ხორუა ბონ ტემპსის, ლუიზიანაშ გჷმოგონილ ნოღას. სერიალიშ თარი გერგეზი რე სუკი სტაკჰაუსი (ანა პეკუინი), ნამუთ ართი ბარიშ ტელეპატი ოფიციანტიე დო ნამუსჷთ ვამპირი ბილ კომპტონი (სტეფან მოიერი) ქეჸოროფებჷ.[1][2]

ამერიკაშ აკოართაფილ შტატეფს სერიალი HBO-შ ოკაბელე სისტემაშ ტელეარხეფს მეურს. თინა ღოლამირი რე HBO-შ დო ალან ბოლიშ კომპანია Your Face Goes Here Entertainment-იშ ალმახანდალათ.[1] მაართა სეზონიშ პრემიერაქ 2008 წანაშ 7 ეკენიას იჸუ.

მაართა სეზონქ კრიტიკოსეფიშ აღიარება მიპალუ დო მუსხირენ პრესტიჟული ჯილდო, თინეფ შქას ორქოშ გლობუსი დო ემი, მიღჷ. მაჟირა სეზონიშ პრემიერაქ 2009 წაანაშ 14 მანგის იჸუ, მასუმა სეზონიშ — 2010 წანაშ 13 მანგის, მაანთხა სეზონიშიქ — 2011 წანაშ 21 მანგის.

2011 წანაშ 21 მარაშინათუთას HBO-ქ გჷმაცხადჷ, ნამდა ნანდული ზისხირიშ მახუთა სეზონიშ 12 ეპიზოდი 2012 წანაშ ზარხულს გიშეშჷ.[3]

მაამშვა სეზონქ გიშართჷ 2013 წანაშ 16 მანგის დო მაშქვითა ფინალურ სეზონქ 2014 წანაშ 22 მანგის.


რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. 1.0 1.1 შნაიდერი, მაიკლ. “HBO rolls with Ball's 'True Blood'“, დეილი ვერაიეტი, 2007-08-09. კითხირიშ თარიღი: 2008-03-20. 
  2. ანდრეევა, ნელი. “Ball bringing new 'Blood' to HBO“, ჰოლივუდ რიპორტერი, 2007-08-10. კითხირიშ თარიღი: 2008-03-20. დოარქივაფილი რე ორიგინალშე 2008-04-10-ს. 
  3. საიდმანი, რობერტ (11 მარაშინათუთას, 2011). 'ნანდული ზისხირი' მახუთა სეზონით გეახალებუდჷ HBO-შე. TV by the Numbers. კითხირიშ თარიღი: 11 მარაშინათუთა, 2011.