ნაწახნაკა

სკულპტურა. დავითი, მიქელანჯელო

ნაწახნაკა, სკულპტურა (ლათ. sculptura, sculpo — გიშაჭკირუა, ბთოლუნქ) — სახუაფონი ხელუანობაშ პლასტიკა — ამნახანტი, ნამუშ აკოქიმინუას უღჷ ონტირონი ფორმა დო ირსულებჷ ბეკერე ვარ-და პლასტიკურ მასალეფშე.

სკულპტურეფიშ თარი ჟანრი რე — პორტრეტი, ისტორიული, ოჸოფარინე, სიმბოლური, ალეგორიული ამნახანტი, ჩხოლარეფიშ ნახანტი. სკულპტურეფიშ ხანტურული  ამნახანტი რე ონტირონი ფორმაშ გოჭყაფა, პლასტიკური მოდელირაფა (წახნაკუა), სილუეტიშ გოჭყაფა, ფაქტურა, კანკალე შვანს ფერით.

გიშმაგორჷნა მორგვალე სკულპტურას (სტატუა, ბუნეფი, სტატუეტი, ბიუსტი, შილებე შხვადოშხვა განშე გოჯინა) დო რელიეფურს (მუჟანსჷთ ამნახანტი გედგჷ ბირტყას). მონუმენტური სკულპტურა, ძეგლეფი, მონუმენტეფი ურთიართობას რე არქიტექტურულ კუნთხუწკჷმა.

სკულპტურეფიშ აკოდგონალუა შილებე ორდას მეტალი, ქუა, დიხაჭაბუ, ჯა, თაბაშირი დო შხვა. თიში დამუშებაშ მეთოდეფი რე წახნაკუა, ძერწუა, ეშაცხაბარუა, გიშაკვათუა, გიშათოლუა დო შხვა.

ლიტერატურა

• ნატო გენგიური, ქანდაკება, თბილისი, 2006. ISBN 99940-65-71-8;
• ლინდემანი, გოტფრიდ (1992). ხელოვნების ლექსიკონი : ტ. 1 : ბერძნული არქაიკიდან ბაროკომდე. თბილისი: ხელოვნება. 
• La Sculpture de l’Antiquité au XXe siècle, sous la dir. de G. Duby et J.-L. Daval, Taschen, 2005;
• L’art de la sculpture sur pierre de J. P. Grilaux Editions Eyrolles;
• Techniques et Pratique du staff de G.Rondeau, M.Pons, S.Rondeau Editions Eyrolles;
• La datation de la sculpture médiévale, de Jean Wirth, Coll. titre courant, 30, Genève, Librairie Droz, 2004;
• Philippe Clérin, Das große Buch des Modellierens und Bildhauens, Bern 2003, ISBN 3-258-06222-6;
• Meyers Jugendbibliothek — Die Arbeit des Bildhauers;