დინორეშა გინულა

ნენსი რომანი

ვიკიპედიაშე
ნენსი რომანი
ინგლ. Nancy Roman

ნენსი რომანი 2015 წანას
დაბადებაშ თარიღი:

16 მესი, 1925

დაბადებაშ აბანი:

ნეშვილი, ტენესი, ააშ

ღურაშ თარიღი:

ქირსეთუთა 25, 2018 (93 წანერი)

ღურაშ აბანი:

ჯერმანთაუნი, მერილენდი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ასტრონომია

სამუშაშ აბანი :

იერკსიშ ობსერვატორია
ჩიკაგოშ უნივერსიტეტი
ნასა
ამერიკაშ ოზუღე რკვიებეფიშ ლაბორატორია

ალმა-მატერი:

სუორტმორ-კოლეჯი
ჩიკაგოშ უნივერსიტეტი

ომენცარე ხემანჯღვერი:

უილიამ უილსონ მორგანი

ჯილდოეფი დო პრემიეფი:

ამერიკაშ კოსმონავტიკაშ ჯარალუაშ მაკათური (1978)

ნენსი გრეის რომანი (ინგლ. Nancy Grace Roman; დ. 16 მესი, 1925, ნეშვილი, ტენესი, ააშ — ღ. 25 ქირსეთუთა, 2018, ჯერმანთაუნი, მერილენდი, ააშ) — ამერიკალი ასტრონომი. მიშეღჷ დიდი კონტრიბუცია მურიცხეფიშ კლასიფიკაციაშ დო ჸარაფეფიშ რკვიებაშა. რომანიქ ილაყაფჷ ფუნდამენტური როლი ჰაბლიშ კოსმოსური ტელესკოპიშ გეგმუაშ საქვარს, ჸათეშ გეშათ თის "ჰაბლიშ დიდა"-ს ხოლო უძახჷდეს.

დებადჷ ტენესიშ შტატიშ ნოღა ნეშვილს. გურაფულენდჷ ასტრონომიას სუორტმორ-კოლეჯის. უკულ გურაფა გაგინძორჷ ჩიკაგოშ უნივერსიტეტის, სოდეთ თხილუ ოდოქტორე დისერტაცია 1949 წანას. გურაფაშ თებაშ უკული, ამშვი წანაშ გოძვენას მუშენდჷ იერკსიშ ობსერვატორიას. ჸათაქ თიში ომენცარე ინტერესეფიშ სფერო მურიცხული სპექტროსკოპია რდჷ. 1959 წანაშე რომანი ნასას მუშენდჷ.

ნენსი რომანი რე 97 ომენცარე პუბლიკაციაშ ავტორი. რდჷ შხვადოშხვა პრემიეფიშ დო ჯილდოეფიშ ლაურეატი. თიში ჯოხონობაშ რე ნასაშ ინფრაჭითა კოსმოსური ტელესკოპი.

რესურსეფი ინტერნეტის[რედაქტირაფა | წყუშ რედაქტირაფა]