ნერვული რშვილი

ვიკიპედია-შე
Jump to navigation Jump to search
ნერვული რშვილიშ სამანგა

ნერვული რშვილი (ლათ. textus nervosus) — რშვილი, ნამუთ ნერვულ სისტემას აკმოქიმინჷნს. აკმოდირთუ იმპულსეფიშ მიკმაშქუმალარი სპეციალიზებული რთულო დიფერენცირაფილი თოლეფშენეირონეფშე. თინეფიშ ფორმა ედომუშამო დოჸუნს ორსულებელ ფუნქციას. ირ ნეირონს რსხული უღუ, ნამუთ წჷმორინაფილი რე, მუჭოთ გოფართაფილი ნორთი, სოდე ლოკალიზაფილი რე ბირთვი დო ჟირ ვარდა უმოსი ეშნაფალა, ალნაფალა (აქსონი დო დენდრიტეფი). აქსონეფი მიკმაშქვანა იმპულსის ნეირონიშ რსხულშე პერიფერიაშა, დენდრიტეფი — თოლიშ რსხულშა.

ნეირონეფწკჷმა ართო ნერვულ რშვილს აკმადგინანა ნეიროგლიაშ თოლეფი, ნამუეფით უთარაშო გიოპონალ, ტროფიკულ დო შხვა ფუნქციას არსულენა.

ნერვული ნორშვი არძა თოლი ივითარებუ ართი დო იგივე ექტოდერმული თოლეფიშ დიფერენცირაფაშ შედეგო ნეირონეფიშ წჷმმაქიმინალ (ნეირობლასტეფი) დო გლიაშ წჷმმაქიმინალ (გლიობლასტეფი ანუ სპონგიობლასტეფი) თოლეფო. ნერვული ინჭკეფი დო ნერვული დობოლაფეფი ნერვული რშვილიშ აკმადგინალი კომპონენტეფი რე.

რესურსეფი ინტერნეტის[რედაქტირაფა | წყუშ რედაქტირაფა]