ნესტორ ესებუა

ვიკიპედია-შე
ნავიგაციაზე გადასვლა ძიებაზე გადასვლა
ნესტორ ესებუა
Nestor esebua.jpg
პიჯული ინფორმაცია
შხვა ჯოხო/ეფი ფორცხოლი
ერუანობა ქორთუ
დაბადებაშ თარიღი 1864
დაბადებაშ აბანი სორტა, სანაკი
ღურაშ თარიღი 1931
ღურაშ აბანი სორტა, სანაკი
სიმაღალა 187 სმ.
სპორტი
სპორტი რკინება

ესებუა ნესტორ (დ. 1864, სორტა, სანაკი - ღ. 1931, სორტა, სანაკი) — ქორთუ (მარგალი) ფალანდი. გიშმეგორუდჷ ნჭუაფათ, ჸონეთ, მორქიათ. შხვადოშხვა ბორჯის დუნამარცხეფი აფჷ საქორთუოშ დო ურცხოეთიშ მიარე ჯოხოშინელი მორკინე, თინეფ შქას - კულა გლდანარი, კლემენს ბული, გეორგ ლურიხი, ივან პოდდუბნი, სარი სულეიმანი, ყაზბეგ გარა, ემილ ფორი დო შხვეფი. წჷმოძინათ გიშართჷ პეტერბურგიშ, თეირანიშ, სტამბოლიშ დო ბრიუსელიშ დიდ ტურნირეფს. პერსონალურო რდჷ მეჭანაფილი პარიზიშ ოერეფოშქაშე გჷმოფინუაშ გონწყუმაწკჷმა რსხუაფათ მანჯებულ ნირზიშა, ნამუსჷთ მოსოფელიშ 300-შახ საუჯგუშო მორკინე ოკათუდჷნ. დამარცხჷ 10 მონირზე, მუდგაშენით ჯილდოთ გინოჩეს 1000 ფრანკი დო ორქოშ ჟეტონი.

ნესტორ ესებუა დო კულა გლდანარი
მოლენკავკაციაშ ურჯგინუ ფალანდი, მორკინე, ნესტორ ესებუა, ჩილ-სქუა დო ჩილიშ ჯიმადისქუაწკუმა ართო

ქორთული რკინებაშ ისტორიას გიშაკერზაფილ მოლინათ გინირთჷ ნესტორ ესებუაშ დო აიშახ ურჯგინუ ფალანდიშ, კულა გლდანარიშ ნირზიქ. 1880-ამ წანეფს თე მორკინეეფქ მიარეშა აკოხვადეს ართიანს (შხვადოშხვა ჩინებათ - ხუთშახ). საბოლა გომორძგვილო ესებუა გეგჷმაცხადეს. ფართას გეხონარჷ 1886 წანაშ 1 მარაშინათუთას ქართის, - ”იტალიარეფიშ ბაღის” მანჯებულ რკინებაქ, ნამუსჷთ აკაკი წერეთელქ მესტვირული ლერსი (”ჭიდაობა” - რკინება) მეუჯღუნჷ. გაზეთი ”დროება” ჭარუდნჷ: ”ქიმეთხეს ხე ართიანს აწმარენჯეფქ. რაგვინიშ ბორჯის მაართაქ გლდანარქ ეკართინუ ესებუა, თიქ თიცალო დოუღანჩალუ თის, ნამდა ირკოც ოგონუდჷ, დიხაშე მოსოფუნს დო ჰეერშა გეიოჸოთანსია, მარა ახალნორდ მორკინექ გემანგარჷ დო ოგამურო პიჯგიმე ქუდაფორჩჷ დიხას, მარა კულაქ მალას გამუწოსხაპჷ, ქარაგვჷ ესებუას გარღვინჯებულო დო კისერულით ქაშარაგუ დიხას, ხვალე ართი ხუჯით. ესებუაშ მარცხებაქ ვართ ასე შიალებუ გლდანარს, თინეფქ ჟირხოლოქ გამუწოდირთეს დო გაგინძარეს რკინება. კულაქ მაჟირაშა გეგნიღჷ კისერულშა ნესტორი ხოლო უჯგუშო, ვინდარო მაართათ, მარა იშენით ვა შიალებუ თიში საბოლა მარცხებაქ. თინეფქ ხემაჟირაშა ქოგედირთეს კუჩხეფს დო მასუმაშა ქარაგვეს ართმაჟირას. ასე უკვე გაჸალებურ მარგალქ ყილოცალო ქადირგჷ კულას დო აფხეფით ქიგიორაგვუ დიხას, მუდგათ საბოლა გომორძგუა ქომიპალუ". [1] თიშ უმკუჯინუო ნამდა ართ ოშწანურაშე უმოსი ხანქ მუკორთჷ თიშ უკულინ, ასეთ იშინანა დო ნირზენა თე ჟირი ფალანდიშ "ოშწანურაშ რკინებაშე". 1888 წანაშ „ივერიას“ (№ 235) ნესტორი ჭარუნს:"ოთხშახ გივორჯგინი გლდანარს დო მახუთაშა რკინება ინტერესუანი ვეჸუაფუნია". [2] კინ თი გაზეთიშ № 113-ს ნესტორი ჭარუნს: "ქართის თის არძო მოხუჯე ჸუნს, ქუთეშის ქაკონ-და მოზოჯას, მუჟამც ოკონია".[3] გლდანარ დო ესებუა შქას თე ნირზეფიშ უმკუჯინუო, თინეფი ბოლოშა მაჸალეეფო დოსქილადენა.

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. გაზეთი ”დროება”: ”ჩაჰკიდეს ხელი ერთმანეთს მოწინააღმდეგეებმა. შეტაკებაში პირველმა გლდანელმა წააქცია ესებუა, მან ისე რიხიანად დაატრიალა ის, რომ ყველას ეგონა, მიწიდან მოწყვეტს და ჰაერში აისვრისო, მაგრამ ახალგაზრდა მოჭიდავე გამაგრდა და საპასუხოდ დასცა მოწინააღმდეგე პირქვე, მაგრამ კულა მალე წამოხტა ფეხზე, მივარდა ესებუას გამხეცებული და კისრულით დასცა მიწაზე, მხოლოდ ერთი მხარით. ესებუას დამარცხება ვერც ამჯერად შესძლო გლდანელმა, ისინი ორივენი წამოდგნენ ფეხზე და განაგრძეს ჭიდაობა. კულამ მეორედ გადმოიტანა კისრულზე ნესტორი უფრო უკეთესად, ვიდრე პირველად, მაგრამ მაინც ვერ შესძლო მისი საბოლოოდ დამარცხება. ისინი ხელმეორედ წამოდგნენ ორივენი ფეხზე და მესამედ შეეჯახნენ ერთმანეთს. ახლა კი გაცეცხლებული მეგრელი ვეფხვივით მივარდა კულას და დასცა ბეჭებზე, რითაც მოიპოვა საბოლოო გამარჯვება”.
  2. გაზეთი „ივერია“ (№ 235) ნესტორი წერს:"ოთხჯერ დავძლიე გლდანელი და მეხუთეთ ჭიდაობა საინტერესო არ იქნებაო".
  3. გაზეთი „ივერია“ (№ 113) "თბილისში მას ყველა მომხრე ჰყავს, ქუთაისში თუ უნდა, იქ მობრძანდეს, როცა უნდოდესო".