ნოროდომ სიამონი

ნოროდომ სიამონი
ქხმერ នរោត្ដម សីហមុនី
მაფა ნოროდომ სიამონი 2016 წანას
კამბოჯაშ 63-ა მაფა
დუდალ. დაჭყაფუ:	14 გჷმათუთა, 2004
დუდალ. დათებუ:	ასეშა
კორონაცია:	29 გჷმათუთა, 2004
წიმოხონი:	ნოროდომ სიანუკი
დაბ. თარიღი:	14 მესი, 1953 (1953-05-14)
დაბ. აბანი:	პნომპენი, კამბოჯა
დინასტია:	ნოროდომი
მუმა:	ნოროდომ სიანუკი
ნანა:	ნოროდომ მონინეათ სიანუკი
რელიგია:	თერავადა
გონათაფა:	პნომპენიშ რენე დეკარტიშ ფრანგული ლიცეუმი პრაღაშ კონსერვატორია
ხეშმოჭარუა:

ნოროდომ სიამონი (ქხმერ នរោត្ដម សីហមុនី; დ. 14 მესი 1953) — კამბოჯაშ მაფა 2004 წანაშ 14 გჷმათუთაშე.

ნოროდომ სიამონქ 1953 წანაშ 14 მესის დებადჷ. თინა მაფა სიანუკიშ დო თიშ ალმასქუშ, ნანა-დიაფალ ნოროდომ მონინეათ სიანოუკიშ აკა ქომოლსქუა რე. თიშ ომაფე გურგინი 2004 წანას მიღჷ მუამუშიშ ხვისტაშ გინორინაშ უკული. თინა 1994 წანაშ 1 ფურთუთაშე მანჯენდჷ „დიდი მაფასქირიშ“ ტიტულს. მაფობაშახ ჩინებული რდჷ, მუჭოთ „კულტურაშ ჸენჯი“ ევროპას დო კლასიკური სხაპუეფიშ მარწაფალი. მაფათ გჷნორთაშ უკული მიღჷ ტიტული „თიში უდიდაშულობა კამბოჯაშ ომაფეშ მაფა ნოროდამ სიამონი“. თინა მოსოფელს აკა მონარქი რე, ნამუთდუდიშულო რაგადანს ჩეხურ ნინაშა. მაფას 12 დაჸონერი დო ჯიმაჸონერი ჸუნს. თიში კვიდრი ჯიმაქ 2003 წანას ღურჷ. 1962 წანას, ჭიჭე მაფასქირი მუამუშიქ გოუტუ ჩეხოსლოვაკიაშა, სოდე თიქ მიღჷ მუჭოთ დაჭყაფური, თეშ ოშქაშე დო უმაღალაში გონათუა - გათუ პრაღაშ ერუანული კონსერვატორია დო პრაღაშ მუსიკალური ხელუანობაშ აკადემია. მოგვიანაფათ მაფასქირქ ქჷდიგურჷ კინემატოგრაფია ოორუე კორეას. მაფა დუდიშულო რაგადანს ჩეხურ, ფრანგულ, ინგლისურ დო რუსულ ნინეფშა. 1981 წანაშე 20 წანაშ გოძვენას ოხორანდჷ საფრანგეთის, სოდე ბალეტიშ ხელუანობა დიგჷურუ დო მოგვიანაფათ ქხმერული სხაპუაშ ასოციაციაშ პრეზიდენტო გჷნირთჷ.

მუმალი მონარქი 1992 წანას გეგშაგორეს კამბოჯაშ იროიან წჷმმარინაფალო გოეროს, უკული იუნესკოს ქიანაშ ჸენჯო ქჷდარინეს. კონწარი აწმარენჯი რდჷ გჷნორთედკო ომაფეშ ჸენჯი საფრანგეთის.

ლიტერატურა

• გ. ჭანტურია, ს. ჭანტურია - მსოფლიოს მონარქები, თბ., 2008 წ.

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ნოროდომ სიამონი“ ვიკიოწკარუეს.
• ოფიციალური ვებ-ხასჷლა