ნუგზარ წურწუმია

ვიკიპედიაშე
ნუგზარ წურწუმია
პიჯული ინფორმაცია
ერუანობა ქორთუ (მარგალი)
დაბადებაშ თარიღი 25 ფურთუთა, 1997 (1997-02-25) (27 წანერი)
დაბადებაშ აბანი ხობი, სამარგალო-ჟიმოლენი შონეშ აკანი, საქორთუო
სიმაღალა 160 სმ.
წონა 50 კგ.
სპორტი
ქიანა საქორთუოშ შილა საქორთუო
სპორტი რკინება
სახეობა ბერძენულ-რომაული
მაწვართალი ბაკური ბულია

ნუგზარ წურწუმია (დ. 25 ფურთუთა, 1997) — ქორთუ სპორტსმენი, ბერძენულ-რომაული სტილიშ მორკინე. 55 კილოგრამშახ წონათ კატეგორიას მოსოფელიშ ჩემპიონი (2019), თაშნეშე მოსოფელიშ (2018) დო ევროპაშ (2018) ჩემპიონატეფიშ ბრონზეშ პრიზიორი.

სპორტული კარიერა[რედაქტირაფა | წყუშ რედაქტირაფა]

2014 წანას, ახალნორდეფს შქას ევროპაშ ბრონზეშ პრიზიორო გჷნირთჷ. 2015 წანას, ახალნორდეფს შქას მიპალჷ მოსოფელიშ ვარჩხილიშ დო ევროპაშ ბრონზეშ სინჯიშ მენდალეფი. გეჸვენჯი 2016 წანას, ახალნორდეფს შქას ევროპაშ ჩემპიონო გჷნირთჷ, მოსოფელიშ ჩემპიონატის — ბრონზეშ მენდალს ქეგეჯერდჷ. 2017 წანას, ევროპაშ ჩემპიონატის ბრონზეშ მენდალი გეჭოფჷ. 2018 წანას, 23 წანაშახ მორკინეეფს შქას ევროპაშ დო მოსოფელიშ ჩემპიონო გჷნირთჷ.

2018 წანაშე გიშმურს საქორთუოშ ბერძენულ-რომაული რკინებაშ თარ ნაკორობას. ოდებიუტე წანას, ევროპაშ დო მოსოფელიშ ჩემპიონატეფს ბრონზეშ მენდალეფი ეჭოფჷ. 2019 წანაშ მოსოფელიშ ჩემპიონატის, 55 კგ. წონათ კატეგორიას, ნუგზარ წურწუმიაქ ოთხი აწმარენჯის გიორჯგინჷ დო მოსოფელიშ ჩემპიონო გჷნირთჷ.

რესურსეფი ინტერნეტის[რედაქტირაფა | წყუშ რედაქტირაფა]