ომენოღალე ჯარალუა
ომენოღალე ჯარალუა — თეხანურ მარკვიალეფს ვაუღჷნა ართამი მერინა ომენოღალე ჯარალუაშ ჩინებაშოთ. შხვადოშხვა ავტორეფი თიში ჸოფაშ არანს გინორთელი გეოგრაფიული დო ობორჯე ხურგეფით გჷთმოხურგანა. კანკალე მარკვიალი თიშ გოჭყაფას მეთმურსხუანს თეხანურალას, შხვეფი რაგადანა დიო ხოლო ჯვეშ საბერძნეთის ჩინებაშ გჷმორინაფაშ გეშა. მინი ანტკიცენს, ნამჷ-და ომენოღალე ჯარალუეფქ გიორჯგინეს კომუნისტურ რეჟიმეფს ბჟაეიოლ ევროპას დო ჸოფილ სხუნუეფიშ რსხუს. შხვეფიშ მოარზაფათ, ათე ქიანეფს ომენოღალე ჯარალუეფი ასე გითმიჭყაფუ, დემოკრატიული გინოქიმინუეფიშ პარალელურო.
ასეშო არძაშე ფართოთ გოფაჩილი რე ომენოღალე ჯარალუაშ ინსტიტუციონალური გაგება, ნამუთ დეტალურო ეთმეჭარჷნს ომენოღალე ჯარალუაშ აკმადგინალ ინსტიტუტეფს. ჩინებაშ თეხანური გოსხუნუაშ მეჯინათ, თინა წჷმარინუანს ჯარალუაშ თ.ჯ. „მასუმა სექტორს“ დო გურს უჩანს მენოღალეეფიშით დჷნარსხუა ავტონომიური ასოციაციეფიშ დო ბუნეფიშ ფართო არანს, ნამუთ ზოხორინელი რე ოხეშუულებე სტრუქტურეფშე, ნამუშ ღანკი რე მენოღალეეფიშ ინტერესეფიშ თხილუა დო იკათუანს ვაოთარობე ორგანიზაციეფს, ბიზნესის, ფანიეფს დო თ.უ. ომენოღალე ჯარალუაშ მაკათური სუბიექტეფი მაღალი სოციალურ-პოლიტიკური აქტივობათ გიშეგორუაფჷნა. ბჟადალურ ჯარალუეფს ომენოღალე ჯარალუა ისხუნუაფჷ მუჭოთ დემოკრატიული ღებეფიშ ნორმატიული კონცეფცია.
ამერიკელი მარკვიალი ლარი დაიმონდი მემარზიენა გეჸვენჯ გოდხუნუას:
|
„ომენოღსლე ჯარალუა რე ჯარალუაძ ნებაჸოფური ორგანიზეფიშ ტიპი, სოდე მენოღალეეფი აქტიურო რენა კათაფილი ჯარალობურ რინას. ომენოღალე ჯარალუა მენოღალეეფიშ ართობა რე, ნამუშ საქვარუა დუდიშული რე სახენწჷფოშჸურე ბონი მიშაკათაფაშე. თინა აკმოდირთჷ შხვადოშხვა ინტერესეფით - ეკონომიკური, კულტურული, ომენოღალე, სოციალური - გოართოიანაფილი ბუნეფშე, ნამუეფჷთ აკონტროლენა სახენწჷფოს, ხეშუულაფაშ ქიმინუას, ადამიერიშ ნებეფიშ დო დუდიშულაშ თხილუას, ომენოღალე დო ჯარალობურ რინას მენოღალეეფიშ რსულჸოფური მიშაკათაფაშ დო კათაფაშ ხემანწყუ რზათ.“
|
„ჯარალუაშე“ თის თით უღჷ გინორთი, ნამჷ-და ომენოღალე ჯარალუას ინდივიდეფი იქჷნა კოლექტიურო, ჯარალობურ რინას დოტხვრლი ინტერესეფიშ დო იდეეფიშ გჷმახანტალო, ინფორმაციაშ გათირალო, ართამი ღანკეფიშ მიოჭირინაფალო, სახენწჷფოშ ანგარიშვალდბალაშ უნარღელჸუაშო. ომენოღალე ჯარალუა რე შქამალი კერძო დო სახენწჷფო სფეროშ შქას. ომენოღალე ჯარალუა ართჸურე, გჷმოხურგანს სახენწჷფო ხეშუულაფას, მაჟირაჸურე, ლეგიტიმაციას არზენს თის, ხეშუულაფა კანონიშ უჟინაშალას ქეგერსხუ-დო ვარინ.
ლიტერატურა
[რედაქტირაფა | წყუშ რედაქტირაფა]- მ.მუსხელიშვილი, სამოქალაქო საზოგადოება: შედარებითი ანალიზი, სოციალურ მეცნიერებათა ცენტრი, თბილისი, 2006;
- მ.მუსხელიშვილი, გ.ჟორჟოლიანი, ჟურნალი: სამოქალაქო საზოგადოება: ბროშურების სერია ჟურნალისტებისთვის, საზოგადოების კვლევის ცენტრი, თბილისი, 2000;
- Larry Diamond, Developing Democracy: Toward Consolidation, Johns Hopkins University Press, 1999;
- Pawel Stefan Zaleski, Neoliberalizm i spoleczenstwo obywatelskie (Neoliberalism and Civil Society), Wydawnictwo UMK, Torun 2012;
- Ernest Gellner,Conditions of Liberty, 1994;
- Sinisa Malesevic, Vesna Malesevic, Gellner’s Civil Society Theory, 2009;
- Hegel, G. F. W., Elements of the Philosophy of Right, edited by Allen W. Wood, Cambridge University Press, 1991;
- Pawel Stefan Zaleski,Global Non-governmental Administrative System: Geosociology of the Third Sector, [in:] Gawin, Dariusz & Glinski, Piotr [ed.]: "Civil Society in the Making," IFiS Publishers, Warszawa 2006;
- Shanker Satyanath, Nico Voigtländer, Hans-Joachim Voth; „Bowling for Fascism: Social Capital and the Rise of the Nazi Party", Journal of Political Economy, 2017, 125 (2): 478–526.
- Almond, G., & Verba, S.,The Civic Culture: Political Attitudes And Democracy In Five Nations,Sage, 1989;
- Robert D. Putnam, Robert Leonardi, Raffaella Y. Nanetti; Robert Leonardi; Raffaella Y. Nanetti; Making Democracy Work: Civic Traditions in Modern Italy, Princeton University Press, 1994;