ოპიოიდეფი

ოპოიდიშ მოსალიშ ეჭოფუა.

ოპიოიდეფი — ნიფთიარობეფი, ნამუეფსჷთ შეულებჷნა ოპიოიდურ რეცეპტორეფწკჷმა მერსხუაფა. თე რეცეპტორეფი უშქაშეთ ცენტრალურ ნერვულ სისტემას დო ჯუჭიშ დო ჭჷშ ტრაქტის რე. ოპიოიდეფს, ნამუეფჷთ სტუქტურულო ძალამ მოგენს მორფინს, ოპიატეფშათ უჯოხონა.

ოპიოიდეფიშ ქიმინუას ორგანიზმის მეთმურსხუანა ჭუამუკმაღალარი დო სედატიურ ეფექტეფს, ოშურღალე რზეფიშ ბოკიაშ დო პერისტალტიკაშ დოდაღარაფა. ოპიოიდეფს შხირანს გჷმირინუანა მედიცინას ჭყანიერ ჭუამუკმაღალარო. თინა, ნამჷ-და ოპიოიდეფი იჭანუანს ეიფორიას, გჷთმოპიჯანს რეკრეაციულ გჷმორინაფას, ნამუსჷთ შეულებჷ ადამიერი მერჩქვანაშა ვარ-და აბსტინენტურ სინდრომშახ ქემეჸუნასჷნ.

რესურსეფი ინტერნეტის

• Opioid Withdrawal Symptoms Archived 2018-08-10 ვებ-ხასჷლას Wayback Machine. —Information about Opioid and opiate withdrawal issues