ოსამუ შიმომურა

ვიკიპედიაშე
ოსამუ შიმომურა
იაპ. 下村 脩

ოსამუ შიმომურა 2008 წანას
დაბადებაშ თარიღი:

27 მარაშინათუთა, 1928

დაბადებაშ აბანი:

ფუკუჩიამა, იაპონიაშ იმპერია

ღურაშ თარიღი:

გჷმათუთა 19, 2018 (90 წანერი)

ღურაშ აბანი:

ნაგასაკი, იაპონია

მენოღალობა:

იაპონიაშ შილა იაპონია

ომენცარე სფერო:

ორგანული ქიმია

სამუშაშ აბანი :

ფრინსთონიშ უნივერსიტეტი
ბოსტონიშ უნივერსიტეტიშ მედიცინაშ სკოლა
ოკიანეშ ბიოლოგიაშ ლაბორატორია

ალმა-მატერი:

ნაგასაკიშ უნივერსიტეტი
ნაგოიაშ უნივერსიტეტი

ომენცარე ხემანჯღვერი:

იოშიმასა ჰირატა

ჯილდოეფი დო პრემიეფი:

ასაჰიშ პრემია (2006)
ნობელიშ პრემია ქიმიაშ დარგის (2008)

ოსამუ შიმომურა (იაპ. 下村 脩; ინგლ. Osamu Shimomura; დ. 27 მარაშინათუთა, 1928, ფუკუჩიამა, იაპონიაშ იმპერია — ღ. 19 გჷმათუთა, 2018, ნაგასაკი, იაპონია) — იაპონარი ქიმიკოსი დო ოკიანოლოგი, წვანე ფლუორესცენტნური ცილეფიშ რკვიებაშ დო გოვითარაფაშ გეშა გინოჩეს ნობელიშ პრემია ქიმიაშ დარგის 2008 წანას. შიმომურაქ პრემია მიპალუ ამერიკალი მენცარეფი: კალიფორნიაშ უნივერსიტეტიშ (სან-დიეგო) პროფესორი როჯერ ციენი დო კოლუმბიაშ უნივერსიტეტიშ პროფესორო მარტინ შალფიწკჷმა ართო.

ბიოგრაფია[რედაქტირაფა | წყუშ რედაქტირაფა]

ოსამუ შიმომურაქ დებადჷ 1928 წანაშ 27 მარაშინათუთას. გურაფულენდჷ ნაგასაკიშ უნივერსიტეტიშ მედიცინაშ კოლეჯის, სოდეთ მიპალუ ბაკალავრიშ ხარისხი ფარმაციას 1951 წანას. უკულ გურაფა გაგინძორჷ ნაგოიაშ უნივერსიტეტის, სოდეთ მიპალუ მენცარობაშ მაგისტრიშ ხარისხი ორგანულ ქიმიას 1958 წანას პროფესორი იოშიმასა ჰირატაშ ხემანჯღვერობათ. ოდოქტორე დისერტაცია თხილუ 1960 წანას. გურაფაშ თებაშ უკული შიმომირა მუშენდჷ ამერიკას: ფრინსთონიშ უნივერსიტეტის, ბოსტონიშ უნივერსიტეტიშ მედიცინაშ სკოლას დო ოკიანეშ ბიოლოგიაშ ლაბორატორიას. შიმომურა რდჷ შხვადოშხვა პრემიეფიშ დო ჯილდოეფიშ ლაურეატი. 2004 წანას მიპალუ პერსიშ პრემია (მიკროსკოპიაშ ომაფე ჯარალუა), 2006 წანას ასაჰიშ პრემია, 2008 წანას ნობელიშ პრემია დო იაპონიაშ კულტურაშ ორდენი, 2013 წანაშე რდჷ ამერიკაშ მენცარობეფიშ ერუანული აკადემიაშ მაკათური. ოსამუ შიმომურა რე შხვადოშხვა მენცარული პუბლიკაციეფიშ დო სტატიეფიშ ავტორი.

რესურსეფი ინტერნეტის[რედაქტირაფა | წყუშ რედაქტირაფა]