პანდანუსი

Pandanus montanus, კოკი რეიუნიონიშ ენდემი

პანდანუსი, ვარ-და პანდანი (ლათ. Pandanus) —პანდანიშობურეფიშ ფანიაშ (ლათ. Pandanaceae) ჯაშობური ჩანარიშ გვარი. თინეფიშ დოჸალერი ღერიშ სიმაღალა 10-15 მეტრიშახ (კანკალეშა 25 მ) ონჭჷ. ღერეფიშ თუდონი ნორთის გეძინელი ჯინჯეფი გოჩანს. თარი ღერიშ გიმენი ნორთი მინშა ხომუ დო ჩანარი ათე ჯინჯეფს გეპონუ. პანდანუსიშ ფურცელიშ სიგჷრძა 3-4 მეტრი რე, პეულეფი აკოკორობილი რე ტარო ვარ-და ფენჯგირეშობურ ბიბლეფო. გჷმნაღელი კანკარიშობური ვარ-და წკალამი რე.

დოხოლაფირო 750 ბიოლოგიური გვარობა რე, უმენტაშო ბჟაეიოლი გვერდოსფეროშ ტროპიკეფს. მადაგასკარს დოხოლაფირო 90 გვარობა ჩანს.

ლიტერატურა

• ქსე, ტ. 7, გვ. 661, თბ., 1984