პანკისიშ ლეხერი

ვიკიპედია-შე
Jump to navigation Jump to search

პანკისიშ ლეხერი — იდვალუაფუ წყარმალუ ალაზანიშ ჟილენი მალობას ლეხერს (ბახტრიონიშ ჟილე) კავკაციონიშ ფარგილეფს, ახმეტაშ მუნიციპალიტეტიშ ტერიტორიას. სიგჷრძა 34 კმ (გვალა ბორბალოშე ალაზანიშ ვეშახ). აკოხურგელი რე კავკაციონიშ თარი ქჷნდჷრიშ ობჟათე ჸალეფით — პანკისიშ დო დიდგვერდ-ნაქერალაშ ქჷნდჷრეფით.

წყარმალუ ალაზანიშ ღანჩოშ ჟიმოლენი ნორთი ქოჩარიშ ქჷნდჷრით ირთუ ჟირ ლეხერო, ნამუეფით წყარმალუეფს წიფლოვანისწყალს დო სამყურისწყალს ორხველჷ. ზუღაშ დონეშე 950 მეტრ სიმაღალას თე წყარმალუეფი აკმიკათუაფჷნა დო წჷმოქიმინჷნა ალაზანს. თე აბანიშ თუდო პანკისიშ ლეხერშო დჷმახასიათაფალი რე ფართე, მორზენებული, დოტერასაფილი ქვინჯი. ლეხერი გჷმომუშებული რე იურულ დიხაჭაბტკილეფით. რელიეფი თარო ეროზიული რე, მარა სამყურისწყალიშ ღანჩოს იძირებე ნაანთხაშური ჯიშთიშ ნოქური (ტროგეფი, ცირკეფი, გოკამაჭელი კირდეეფით). ლეხერიშ ფერდეფს 2000-2200 მეტრაშახ ჩანს ფართეფურცელამი ტყა. ალაზანიშ მარძგვანი ნადუშ ბაწარიშ ლეხერს რე ურთხელიშ ტყაშ ბაწარიშ სახენწჷფო ტყაჩირი.[1]

ლიტერატურა[რედაქტირაფა | წყუშ რედაქტირაფა]

  • მარუაშვილი ლ., ქსე, ტ. 7, გვ. 663, თბ., 1984
  • მარგოშვილი ლ., პანკისის ხეობა. თბ., 2002
  • პანკისის კრიზისი. თბ., 2002

სქოლიო[რედაქტირაფა | წყუშ რედაქტირაფა]