პარიზიშ უნივერსიტეტი

პარიზიშ უნივერსიტეტი ფრანგ. Université de Paris
დევიზი	Hic et ubique terrarum (ლათ.)
დირსხუ	1150
ტიპი	ოჯარალე
ორენი	პარიზი, საფრანგეთი
კამპუსი	ურბანული

პარიზიშ უნივერსიტეტი (ფრანგ. Université de Paris) რდჷ უნივერსიტეტი საფრანგეთიშ ნოღა პარიზის. უნივერსიტეტი შინელი რდჷ მუჭოთ სორბონი. პარიზიშ უნივერსიტეტიქ დირსხუ დოხოლაფირო 1150 წანას. 1253 წანას პარიზიშ უნივერსიტეტის, ფრანგი თეოლოგიქ რობერტ დე სორბონიქ დარსხუ თეოლოგიური კოლეჯი, ნამუსჷთ სორბონიშ კოლეჯის უძახუდეს. ჸათეშ გეშათ უნივერსიტეტის ხოლო უკულ მეტჯოხოქ "სორბონი"-ქ ქიგიადჷ. პარიზიშ უნივერსიტეტი მოსოფელიშ ართ-ართი უჯვეშაში უნივერსიტეტი რდჷ დო თის სერიოზული პრესტიჟი დო მენცარული რეპუტაცია უღუდჷ. უნივერსიტეტიშ თარი აკადემიური პროგრამეფი დუდშე რდჷ თეოლოგია დო ფილოსოფია. უკულიან პერიოდეფს უნივერსიტეტის ქიგიაძინჷ შხვა აკადემიურ პროგრამეფქ ხოლო. პარიზიშ უნივერსიტეტი რდჷ ართ-ართი მაართა უნივერსიტეტი ევროპას, ნამუქჷთ მიშეღჷ ოდოქტორე პროგრამა. პარიზიშ უნივერსიტეტიშ კურსნათებუეფი რდეს: პაპეფი, მონარქეფი, გიშარჩქინელი მენცარეფი დო ინტელექტუალეფი. 1793 წანას, საფრანგეთიშ რევოლუციაშ ბორჯის უნივერსიტეტი დოკილეს დო უნივერსიტეტიშ დგჷმილეფი გეგმოჩეს. 1806 წანას პარიზიშ უნივერსიტეტი დოთირუ საფრანგეთიშ უნივერსიტეტიქ, ნამუსჷთ უღუდჷ ოთხი ზოხორინელი ფაკულტეტი: ჰუმანიტარული, იურიდიული, მენცარობაშ ფაკულტეტი, მედიცინაშ ფაკულტეტი დო თეოლოგიური ფაკულტეტი (დიკილჷ 1885 წანას). 1968 წანაშ მესიშ პოლიტიკური პროცესეფიშ უკულ, 1970 წანას უნივერსიტეტიქ გორთილქ იჸუ 13 ავტონომიურ უნივერსიტეტო.

ლიტერატურა

• Verger, Jacques: Histoire des Universités en France, Toulouse: Editions Privat, 1986

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.