პაულ კრუტცენი

ვიკიპედიაშე
პაულ კრუტცენი
ნიდ. Paul J. Crutzen

პაულ კრუტცენი 2010 წანას
დაბადებაშ თარიღი:

3 ქირსეთუთა, 1933

დაბადებაშ აბანი:

ამსტერდამი, ნიდერლანდეფი

ღურაშ თარიღი:

ღურთუთა 28, 2021 (87 წანერი)

ღურაშ აბანი:

მაინცი, გერმანია

მენოღალობა:

ნიდერლანდეფიშ შილა ნიდერლანდეფი

ომენცარე სფერო:

ქიმია, ფიზიკა

სამუშაშ აბანი :

სტოკჰოლმიშ უნივერსიტეტი
ოკიანური დო ატმოსფერული ერუანული ადმინისტრაცია
კოლორადოშ შტატიშ უნივერსიტეტი
მაქს პლანკიშ ქიმიაშ ინსტიტუტი
სკრიპსიშ ოკეანოგრაფიაშ ინსტიტუტი

ალმა-მატერი:

სტოკჰოლმიშ უნივერსიტეტი

ომენცარე ხემანჯღვერი:

ბერტ ბოლინი

ჯილდოეფი დო პრემიეფი:

ლეო სილარდიშ პრემია (1985)
ტაილერიშ პრემია (1989)
მაქს პლანკიშ პრემია (1994)
ნობელიშ პრემია ქიმიაშ დარგის (1995)
ლონდონიშ ომაფე ჯარალუაშ მაკათური (2006)
ლომონოსოვიშ ორქოშ მენდალი (2019)

პაულ იოზეფ კრუტცენი (ნიდ. Paul Jozef Crutzen; დ. 3 ქირსეთუთა, 1933, ამსტერდამი, ნიდერლანდეფი — ღ. 28 ღურთუთა, 2021, მაინცი, გერმანია) — ნიდერლანდარი მეტეოროლოგი დო ქიმიკოსი. ატმოსფერული ქიმიაშ, გიშაკერზაფილო ატმოსფერული ოზონიშ ფორმაციაშ მენცარული რკვიებაშ გეშა გინოჩეს ნობელიშ პრემია ქიმიაშ დარგის 1995 წანას. კრუტცენი გურაფულენდჷ ოზონიშ ფენას, კლიმატიშ თირუაშ ბაძაძეფს დო შხვა. მიშეღჷ ბირთვული ზოთონჯიშ იდეა, რდჷ ანთროპოცენიშ გეოლოგიური ეპოქაშ იდეაშ პოპულარიზატორი.

პაულ კრუტცენი გურაფულენდჷ სტოკჰოლმიშ უნივერსიტეტის. გურაფაშ თებაშ უკულ მუშენდჷ შხვადოშხვა ომენცარე ინსტიტუტეფს. რდჷ შვედეთიშ მენცარობეფიშ ომაფე აკადემიაშ, ლონდონიშ ომაფე ჯარალუაშ, ამერიკული ფილოსოფიური ჯარალუაშ, რუსეთიშ მენცარობეფიშ აკადემიაშ, ნიდერლანდეფიშ მენცარობეფიშ აკადემიაშ დო ნიდერლანდეფიშ ქიმიური ჯარალუაშ მაკათური.

რესურსეფი ინტერნეტის[რედაქტირაფა | წყუშ რედაქტირაფა]