პაულ ფონ ჰინდენბურგი
| პაულ ფონ ჰინდენბურგი Paul von Hindenburg | ||
(2).jpg) ოფიციალური პორტრეტი, 1925 წ. | ||
| გერმანიაშ პრეზიდენტი | ||
|---|---|---|
| პოსტის გერინაშ ბორჯი | ||
| 12 მესი, 1925 – 2 მარაშინათუთა, 1934 | ||
| კანცლერი | ჰანს ლუთერი ვილჰელმ მარქსი ჰერმან მიულერი ჰაინრიხ ბრიუნინგი ფრანც ფონ პაპენი კურტ ფონ შლაიხერი ადოლფ ჰიტლერი | |
| წიმოხონი | ფრიდრიხ ებერტი | |
| მონძე | ადოლფ ჰიტლერი (მუჭოთ ფიურერი) კარლ დენიცი (მუჭოთ პრეზიდენტი) | |
გენერალური შტაბიშ უნჩაში | ||
| პოსტის გერინაშ ბორჯი | ||
| 29 მარაშინათუთა, 1916 – 3 კვირკვე, 1919 | ||
| წიმოხონი | ერიხ ფონ ფალკენჰაინი | |
| მონძე | ვილჰელმ გრენერი | |
| დუნაბადი | 2 გჷმათუთა, 1847 პოზენი, პოზენიშ დიდი სათარო, პრუსია | |
| ნაღურა | 2 მარაშინათუთა, 1934 (86 წანერი) ნოიდეკი, პრუსია, ნაცისტური გერმანია | |
| ნთხორუ აბანი | წიმინდე ელისაბედიშ ეკლესია, მარბურგი | |
| მენოღალობა | .svg){kind=small} პრუსიაშ ომაფე.svg){kind=small} გერმანიაშ იმპერია.svg){kind=small} ვაიმარიშ რესპუბლიკა.svg){kind=small} ნაცისტური გერმანია | |
| ერუანობა | გერმანალი | |
| პოლიტიკური პარტია | უპარტიე | |
| ალმასქუ | გერტრუდა ფონ შპერლინგი | |
| სქუალეფი | 3 | |
| გონათაფა | პრუსიაშ ოურდუმე აკადემია | |
| საქვარუა | ოურდუმე მოღალე, პოლიტიკოსი | |
| ხეშმოჭარუა |  | |
პაულ ლუდვიგ ჰანს ანტონ ფონ ბენეკენდორფ უნდ ფონ ჰინდენბურგი (გერმ. Paul Ludwig Hans Anton von Beneckendorff und von Hindenburg; დ. 2 გჷმათუთა, 1847 — ღ. 2 მარაშინათუთა, 1934) — გერმანალი ოურდუმე მოღალე დო პოლიტიკოსი, გენერალ-ფელდმარშალი, გერმანიაშ პრეზიდენტი 1925 წანაშე ღურაშახ (1934). ელმაჩამალეფიშ გოლინათ, ხე შეუნწყუ ნაცისტეფიშ მულას ხეშულობაშა.
პაულ ფონ ჰინდენბურგიქ დებადჷ პრუსიალი დიდებუანეფიშ ფანიას. გურაფულენდჷ პრესტიჟული პრუსიაშ ოურდუმე აკადემიას. ჰინდენბურგი მონაწილენდჷ ავსტრო-პრუსო-იტალიური ლჷმას დო საფრანგეთ-პრუსიაშ ლჷმას. 1885 წანას მიპალუ მაიორიშ ჩინი დო გინირთჷ გერმანიაშ გენერალური შტაბიშ მაკათურო. 1900 წანას გინირთჷ გენერალ-ლეიტენანტო. ჰინდენბურგიქ შანულამი წჷმოძინეფს მიოჭირინუ მაართა მოსოფელიშ ლჷმაშ მიმალობას. თინა ნინალენდჷ ბჟაეიოლიშ ფრონტის. ტანენბერგიშ ბურჯაფის ჰინდენბურგიქ დუდი გიმირჩქინჷ მუჭოთ ნიჭიერი მანჯღვერთარქ. ბურჯაფიშ მიმალობას, გერმანალეფქ დახე რსულას მოჯალაგეს რუსეფიშ მა-2 არმია დო უკულ მაზურიაშ ბურჯაფის სერიოზული ზარალი მიორინეს მა-1 არმიას. ჸათე გომორძგუეფიშ გეშა, ჰინდენბურგიქ გინირთჷ ერუანული გერგეზო გერმანიას. ჰინდენბურგიქ მიპალუ შანულამი პოპულარობა დო 1916 წანას თინა ქუდარინეს გენერალური შტაბიშ უნჩაშო. ჰინდენბურგიქ, გენერალი ლუდენდორფიწკჷმა ართო გაჭყჷ დე ფაქტო ოურდუმე დიქტატურა. თინეფქ მიპალეს სერიოზული გოლინა. თინეფიშ ლიდერობათ, ბჟაეიოლიშ ფრონტის გერმანალეფქ კონწარო დამარცხეს რუსეფი დო თაშნეშე, მიოჭირინეს შანულამი გომორძგუეფს ბჟადალიშ ფრონტის ხოლო. მარა უკულ, მარნიშ ბურჯაფის, 1918 წანაშ 15-18 კვირკვეს, ანტანტაშ ნძალეფქ ორჯგინეს გერმანალეფს. ოშდღამი მენტებაშ მიმალობას (1918 წანაშ 8 მარაშინათუთა - 11 გერგობათუთა) მორსხუეეფიშ მასიური ოურდუმე კამპანიაქ გიმიჭანუ გერმანიაშ კოლაფსი ბჟადალი ფრონტის. გერმანიაშ მარცხიშ დო კომპიენიშ ზეშ უკულ, ჰინდენბურგიქ გეგნოდირთჷ უჟინაში მანჯღვერთარიშ პოსტიშე.
1925 წანას ჰინდენბურგიქ აქტიური პოლიტიკას ქაკათჷ. თე წანას თიქ გიშაგორილქ იჸუ ვაიმარიშ რესპუბლიკაშ პრეზიდენტო. მართუალაშ გოძვენას, თინა ძალამს აწურდჷ ადოლფ ჰიტლერს დო თიში ნაცისტური პარტიას. მარა ჰინდენბურგიშ მართუალა იხასიათებუდჷ ვასტაბილურობათ, ნამუქჷთ ხე შეუნწყუ ნაცისტეფიშ განძალიერაფას. 1932 წანას ჰინდენბურგიქ ჟირშა დეთხინუ რაიხსტაგი, მარა უკულ, ელმაჩამალეფიშ გოლინათ, ჰიტლერი კანცლერო იშენით ქუდარინუ. ჰინდენბურგიქ დოღურჷ ართი წანაშ უკულ. ჸათეთ ჰიტლერქ ქისარგებლუ, პრეზიდენტიშ დო კანცლერიშ პოსტეფი აკაართიანჷ, დუდი ფიურერო გეგმაცხადჷ დო გერმანია ტოტალიტარული სახენწჷფოთ გინაშქჷ.