პიტერ ნაური

ვიკიპედიაშე
პიტერ ნაური
დან. Peter Naur

პიტერ ნაური 2008 წანას
დაბადებაშ თარიღი:

25 გჷმათუთა, 1928

დაბადებაშ აბანი:

ფრედერიკსბერგი, დანია

ღურაშ თარიღი:

ღურთუთა 3, 2016 (87 წანერი)

ღურაშ აბანი:

ჰერლევი, დანია

მენოღალობა:

დანიაშ შილა დანია

ომენცარე სფერო:

ინფორმატიკა

სამუშაშ აბანი :

ნილს ბორიშ ინსტიტუტი
დანიაშ ტექნიკური უნივერსიტეტი
კოპენჰაგენიშ უნივერსიტეტი

ალმა-მატერი:

კოპენჰაგენიშ უნივერსიტეტი

ჯილდოეფი დო პრემიეფი:

კომპიუტერული ტექნიკაშ პიონერიშ პრემია (1986)
ტიურინგიშ პრემია (2005)

პიტერ ნაური (დან. Peter Naur; დ. 25 გჷმათუთა, 1928, ფრედერიკსბერგი, დანია — ღ. 3 ღურთუთა, 2016, ჰერლევი, დანია) — დანიარი ინფორმატიკოსი, ტიურინგიშ პრემიაშ ლაურეატი.

ბიოგრაფია[რედაქტირაფა | წყუშ რედაქტირაფა]

პიტერ ნაური გურაფულენდჷ კოპენჰაგენიშ უნივერსიტეტის. დუდშე ასტრონომიათი რდჷ დაინტერესებული დო ოდოქტორე დისერტაცია ხოლო ასტრონომიას თხილუ, 1957 წანას. უკულიან წანეფს ინტერესეფიშ სფერო დითირუ დო ინფორმატიკათ დეინტერესჷ. 1959-1969 წანეფს ნაური მუშენდჷ დანიური კომპიუტერული კორპორაცია - Regnecentralen-ის. ჸათე პერიოდის ნაური მუშენდჷ ნილს ბორიშ ინსტიტუტის დო დანიაშ ტექნიკური უნივერსიტეტის ხოლო, სოდეთ ლექციეფს კითხულენდჷ. 1969-1998 წანეფს ნაური რდჷ კოპენჰაგენიშ უნივერსიტეტიშ ინფორმატიკაშ პროფესორი. პიტერ ნაურიშ ომენცარე რკვიებეფიშ სფერო რდჷ: კომპიუტერული პროგრამეფიშ დო ალგორითმეფიშ დიზაინი დო სტრუქტურა, თაშნეშე პროგრამული ინჟინერია დო პროგრამული არქიტექტურა.

პიტერ ნაური, ჯონ ბეკუსიწკჷმა ართო, შინელი რე მუჭოთ მეტასინტაქსიშ ბეკუს-ნაურიშ ფორმალიზმიშ ართ-ართი კონტრიბუტორი. ნაურიქ მიშეღჷ დიდი თია პროგრამული ნინა ALGOL 60-იშ გოვითარაფაშა ხოლო.

პიტერ ნაური რდჷ პრესტიჟული ტიურინგიშ პრემიაშ დო კომპიუტერული ტექნიკაშ პიონერიშ პრემიაშ ლაურეატი. ნაურიშ ოსური რდჷ ამერიკალი ინფორმატიკოსი კრისტიანე ფლოიდი. ნაურიქ ღურუ 2016 წანაშ 3 ღურთუთას, 87 წანერქ. ნაური რე შხვადოშხვა მენცარული პუბლიკაციეფიშ, წინგეფიშ დო სტატიეფიშ ავტორი. თიში ნაჭარეფი ინფორმატიკაშ გარდა ორხველუდჷ ასტრონომიას, კლასიკური მუსიკას, გონათაფას დო ფსიქოლოგიას.

რესურსეფი ინტერნეტის[რედაქტირაფა | წყუშ რედაქტირაფა]