პლანშეტური კომპიუტერი

პლანშეტური კომპიუტერი (ფრანგ. planchette-შე — ზიტყვაზიტყვათ მორჩილი დგიმი; კალკა ინგლ. tablet computer-შე), ელექტრონული პლანშეტი, შხირას პლანშეტი — აკოშაყარელი სმება, ნამუთ იკათუანს შხვადოშხვა ტიპიშ სენსორულ ეკრანამ ელექტორნულ მონწყილობას, ნამუთ საშვალებას ირზენს კომპიუტერული პროგრამეფი ბმართათ ეკრანს მოჩამილ ობიექტეფშა კითეფიშ გეცაცაფათ.

Apple iPad

პლანშეტურ კომპიუტერიშ მართუა შილებე ხეშ გეცაცაფათ, სტილუსით, კლავიატურათ დო ჭუკიათ. კანკალე პლანშეტიშ უღჷ მუში კლავიატურა.

პლანშეტური კომპიუტერიშ გვარობეფი

პლანშეტური ნოუთბუქი Toshiba 3500

პლანშეტური პერსონალური კომპიუტერი — ნოუთბუქეფიშ გვარობა, ნამუქჷთ ხვარებაშა მიშართჷ 2002 წანაშ გერგობათუთას, Microsoft Tablet PC-შ აპარატულ-პროგრამულ პლატფორმაშ პრეზენტაციაშ უკული. უღჷ სენსორული ეკრანი დო საშუალებას ირზენს იმუბშუათ სტილუსით ვარ-და კითეფით, თაშნეშე კლავიატურაშ დო ჭუკიაშ გჷმორინაფათ დო თინეფიშ უმუშოთ.

Slate PC

Slate PC (ინგლ. Slate PC) — პლანშეტური პერსონალური კომპიუტერიშ კომპაქტური ვარიანტი 7-11 დიუმიანი დიაგონალიშ ეკრანით, ნამუთ გოჭყაფილი რე ინტერნეტ-პლანშეტეფწკჷმა კონკურენციაშ ღანკით. წჷმარინუანს IBM PC-მოხუჯე კომპიუტერს დო გჷმირინუანს დესკტოპიშ ოპერაციულ სისტემას (სამანგათ, Microsoft Windows) .

ულტრამობილური პერსონალური კომპიუტერი

Wibrain B1 UMPC

ულტრამობილური პერსონალური კომპიუტერი (ინგლ. Ultra-Mobile PC), კინოხ ჩინებული რდჷ კოდური ჯოხოთ Origami Project — ოშქაშე ზჷმაშ მობილურ კომპიუტერეფიშ სპეციფიკაცია. თე გვარობაშ პლამშეტური კომპიუტერი შიმუშუეს Microsoft-იქ, Intel-ქ, Samsung-იქ დო შხვ. მონწყილობაშ პროექტიქ დო პროტოტიპიქ პირველაშე წჷმორინაფილქ იჸუ 2006 წანაშ მელახის, CeBIT-ის.

ინტერნეტ-პლანშეტი

Google Nexus 9

ინტერნეტ-პლანშეტი (ინგლ. Internet tablet ვარ-და Web tablet — ვებ-პლანშეტი) — პლანშეტური კომპიუტერეფიშ ტიპი 4-შე 11-შახ დიუმიშ დიაგონალიშ ეკრანით, ნამუთ არსულენს მუჭოთ ნოუთბუქიშ თეშ სმარტფონიშ ფუნქციეფს. მოჩამილ ტიპიშ მონწყილობა, პრაქტიკულო ირო ანჯარელი რე ჟირ კამერათ, ართი გჷმირინუაფუ მუჭოთ ვებ-კამერა, სამანგათ, ვიდეოკონფერენციეფს კომუნიკაციაშო, მაჟირა – გინაღალარო.↵ინტერნეტ-პლანშეტეფი, მუჭოთ წესი,ირო რენა ცართული ინტერნეტიშა — Wi-Fi-თ ვარ-და 3G/4G/5G-რსხუთ. თეშ გეშა ინტერნეტ-პლანშეტეფი მოხუჯური რე ვებ-სერფინგიშო, ვებ-აპლიკაციეფიშ განწყუმალო დო ნამდგა ვებ-ნინალეფწკჷმა მიორსხუაფალო. ინტერნეტ-პლანშეტიშ ომართალო გჷმირინუაფუ სენსორული ეკრანი, ნამუთ რეაგირენს კითიშ გენჭირათ, ფიზიკური კლავიატურაშ დო ჭუკიაშ უმუშო. კანკალე თეხანური ინტერნეტ-პლანშეტი პროგრამეფიშ ომართალო გჷმირინუანს მულტითაჩ-ჟესტეფს.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.