პოლ ლანჟევენი

ვიკიპედიაშე
პოლ ლანჟევენი
ფრანგ. Paul Langevin
დაბადებაშ თარიღი:

23 ღურთუთა, 1872

დაბადებაშ აბანი:

პარიზი, საფრანგეთი

ღურაშ თარიღი:

ქირსეთუთა 19, 1946 (74 წანერი)

ღურაშ აბანი:

პარიზი, საფრანგეთი

მენოღალობა:

საფრანგეთიშ შილა საფრანგეთი

ომენცარე სფერო:

ფიზიკა

სამუშაშ აბანი :

პარიზიშ ინდუსტრიული ფიზიკაშ დო ქიმიაშ უმაღალაში სკოლა
პარიზიშ უმაღალაში ნორმალური სკოლა

ალმა-მატერი:

კემბრიჯიშ უნივერსიტეტი
კოლეჯ დე ფრანსი
პარიზიშ უნივერსიტეტი
პარიზიშ ინდუსტრიული ფიზიკაშ დო ქიმიაშ უმაღალაში სკოლა

ომენცარე ხემანჯღვერი:

პიერ კიური
ჯოზეფ ჯონ თომსონი
გაბრიელ ლიპმანი

ჯოხოშინელი მოგურაფეეფი:

ირენ ჟოლიო-კიური
ლუი დე ბროილი
ლეონ ბრილუენი

ჯილდოეფი დო პრემიეფი:

ჰიუზიშ მენდალი (1915)
ომაფე ჯარალუაშ მაკათური (1928)
კოპლიშ მენდალი (1940)

ხეშმოჭარუა:

პოლ ლანჟევენი (ფრანგ. Paul Langevin; დ. 23 ღურთუთა, 1872, პარიზი, საფრანგეთი — ღ. 19 ქირსეთუთა, 1946, პარიზი, საფრანგეთი) — ფრანგი ფიზიკოსი, შინელი რე ლანჟევენიშ დინამიკათ დო ლანჟევენიშ განტოლებათ. გურაფულენდჷ პარიზიშ ინდუსტრიული ფიზიკაშ დო ქიმიაშ უმაღალაშ სკოლას დო პარიზიშ უმაღალაშ ნორმალურ სკოლას. უკულ გურაფა, ჯოზეფ ჯონ თომსონიშ ხემანჯღვერობათ, გაგინძორჷ კემბრიჯიშ უნივერსიტეტიშ კავენდიშიშ ლაბორატორიას. საფრანგეთშა დორთინაშ უკულ თხილუ ოდოქტორე დისერტაცია პარიზიშ უნივერსიტეტის, პიერ კიურიშ ხემანჯღვერობათ. 1904 წანაშე რდჷ კოლეჯ დე ფრანსიშ ფიზიკაშ პროფესორი. 1926 წანაშე პოლ ლანჟევენი მუშენდჷ პარიზიშ ინდუსტრიული ფიზიკაშ დო ქიმიაშ უმაღალაშ სკოლაშ დირექტორო. 1934 წანაშე რე საფრანგეთიშ მენცარობეფიშ აკადემიაშ მაკათური. 1928 წანაშე ლანჟევენი რდჷ ლონდონიშ ომაფე ჯარალუაშ მაკათური. მუჭოთ ფაშისტეფიშ ოპონენტი, საფრანგეთიშ ოკუპაციაშ ბორჯის, ლანჟევენი ოჭოფეს, მენცარული პოზიციეფი ქუდატებაფეს დო გეგნახორეს. 1944 წანას ლანჟევენქ პარიზიშა დირთჷ, სოდეთ 1946 წანას დოღურუ. პოლ ლანჟევენქ დარსხუ ანტიფაშისტური კომიტეტი დო რდჷ საფრანგეთიშ კომუნისტური პარტიაშ მაკათური.

რესურსეფი ინტერნეტის[რედაქტირაფა | წყუშ რედაქტირაფა]