პრინტერი
პრინტერი — მონწყილობა, ნამუშ მეშქაშობათ ინფორმაცია თარო მიღებუაფუ ქაღარდის (შილებე გოჭვირაფონ ფირს, ვარდა შხვ.). პრინტერიშ მიარე მოდელი რსებენს. თინეფი გინორთელი რენა წარმაფილობათ, ინტერფეისით, ფუნქციური შელებუამობეფით, ქიმინჯალაშ პრინციპით.
პრინტერიშ ოსხირი რთული ელექტრო მექნიკური მონწყილობა რე. თინა უნარღელჸოფენს გჷმოხანტუალშ ფორმირაფას, ქაღარდიშ გინოყარაფას, ოღაფულაშ მეჭირინაფას დო შხვა. პრინტერიშ აკოდგინალუას რე ელექტრული ნორთი მარუაშ სქემათ დო ბუფერული შვენაშ მონწყილობათ.
გჷმოხანტუალაშ ფორმირაფათ პრინტერეფი ირთუ კონტურულ დო რასტულ პრინტერეფო:
- კონტურულ პრინტერს სიმბოლოშ გჷმოხანტუალაშ უჭყვადუ ღოზი რე დო მიღებუაფუ ქაღარდის მაღაფალი ლენტიშ გჷმორინაფათ, ქაღარდის ლიშიშ მეგამაშ საშუალებათ.
- რასტულ პრინტერს გჷმოხანტუალა მიღებუაფუ უჭიჭაში ჭურჭულეფიშ ართობურალათ (ჭურჭულიშ დიამეტრი 0,1-0,3 მმ).
ასე პერსონალურ კომპიუტერეფს გჷმირინუაფუ ხვალე რასტული პრინტერეფი. ჭურჭულიშ გინოღალაშ პრინციპით რასტული პრინტერეფი ირთუ: მატრიცულ, ბაჭურ დო ლაზერულ პრინტერეფო.
