ქაღარდი

ქაღარდი თაშნეშე ქარღადი (მეხოლაფირო იტალ. bombagia-შე < ლათ. bombacium-შე ‘ბამბე’, მაართაწყუთ იკოროცხუ ირანული^[1]) — თხჷთხჷ, ტაბაცა მატერია, ნამუთ თარო ჩანარული ინჭკიშე აკმოდირთჷ. უმენტაშო ოჭარალო დო ობეშტალო გჷმირინუაფუ. შხვა გოფაჩილი გჷმორინაფა რე: გაკირალი მეშქაშალა (მუყაო), ჰიგიენური ქაღარდი (ქაღარდიშ ხეშქოსალი, ტუალეტიშ ქაღარდი), დეკორაციული ქაღარდი (სამანგ. შპალერი).

ისტორია

ქაღარდიქ მაართაშე ჩინეთის, ჯვ.წ. 105 წანას გორჩქინდჷ. ჩინურ ქაღარდის ბამბუკშე, ჯაპიშ ფურცელეფშე დო აბრეშუმიშ ინჭკეფშე აკეთენდეს. VII ოშწანურას, არაბეფი ქაღარდიშ წარმებას უმოსი შხვა მასალას ხვარენდეს - ნორშვის დო ბამბეს. ევროპას ქაღარდიქ XIV ოშწანურას გიფაჩჷ. მაართ ქაღარდიშ მაკეთებელი ქარხანაქ საფრანგეთის 1350 წანას დირსხუ. XIX ოშწანურას, ქაღარდიშო ოხვილური მასალაშა ცელულოზაშ გეძინა ქჷდიჭყეს, ნამუქჷთ ქაღარდიშ წარმება მასობურო გჷნირთინუ.

ქაღარდიშ უშხუაში მაწარმალეფი

International Paper (ააშ)
The Navigator Company (პორტუგალია)
Georgia-Pacific (ააშ)
Weyerhaeuser (ააშ)
Kimberly-Clark (ააშ)
Stora Enso (ფინეთი)
UPM-Kymmene (ფინეთი)
Svenska Cellulosa Aktiebolaget (შვედეთი)
Mondi (ავსტრია)
Sappi (ოარ)
M-Real (ფინეთი)

ლიტერატურა

ნანა მაჭარაშვილი, ნინო სილაგაძე (2007). ხელოვნება. თბილისი: „მერიდიანი“.

რესურსეფი ინტერნეტის

↑ Фасмер М. Этимологический словарь русского языка: В 4-х т.: Пер. с нем. — 2-е изд., стереотип. — М.: Прогресс, 1987. — Т. 1, с. 240—241

[1] Фасмер М. Этимологический словарь русского языка: В 4-х т.: Пер. с нем. — 2-е изд., стереотип. — М.: Прогресс, 1987. — Т. 1, с. 240—241

[1]