პუჯა (ინდუიზმი)

ვიკიპედიაშე
ზიტყვას „პუჯა“ უღჷ შხვა შანულობეფი ხოლო, ქოძირით პუჯა (მიარეშანულამი).
სტატიეფი თემატიკაშე
ინდუიზმი
ისტორია · პანთეონი
მეჸუნალობეფი · მითოლოგია
რწუმა დო პრაქტიკა
რეინკარნაცია · მოკშა
კარმა · პუჯა · მაია
სამსარა · დჰარმა
ნირვანა ·
ვედანტა ·
იოგა · აიურვედა
იუგა · ვეგეტარიანელობა
ბჰაკტი
ჭარუალა
უპანიშადეფი · ვედეფი
ბრაჰმანეფი
რამაიანა ·
მაჰაბჰარატა (ბჰაგავადგიტა)
პურანეფი · არანიაკეფი
შიკშაპატრი · ვაჩანამრუტი
მიკორსხილი თემეფი
დჰარმული რელიგიეფი ·
ინდუიზმი ქიანფიშ მეჯინათ
მარწფალეფი · მანდირი
კასტა · მანტრა
ტერმინოლოგია
კამა სუტრა
დღახუეფი
მურტი

    

პუჯა (სანს. पूजा, Pūjā IAST — "პატჷცემა", "ხვამა", "ხვამუა") — რელიგიური რიტუალი ინდუიზმის, ღორონთიშ გჷმნახანტუშ სკულპტურაშო ოჭკომალიშ, წყარიშ, კეთილშურელობაშ, პიოლეფიშ დო შხვა ელემენტეფიშ წჷმორინაფა.[1] პუჯა ისრულებუაფუ ღორონთიშა (ვარდა ღორონთეფშა) ართგურობაშ გჷმახანტალო.[1]

ინდუისტეფიშ უმენტაშობა ართ დღაშ დინოხოლე ართ-ჟირშა იხვამანს. მარა პუჯა ხვალო ირდღარი ოხვამერი ვარჷნ, გიშაკერძაფილ შვანეფს ხოლო ისრულებუაფუ, სამანგათ ჸუდეშ "ოტიბაფალო" (ჸუდეს სითინჩეშო). პუჯაშ რიტუალი ისრულებუაფუ თიშ უკული, მუთ რიტუალიშ მასრულაფარი ადამიერი, მიღენს აბანოს, გიბონჷნს, თაშნეშე იზალანს, ორდას უხეცეთ, თიშენ ნამჷ-და, ედომუშამო კონცენტრირაფილი (დიანი) ორდას რიტუალიშო. გიშაკერძაფილი რელიგიური დღახუეფი, მუჟამსჷთ ისრულებუაფუ პუჯა: დურგა-პუჯა, პონგალი, ლაკშმი-პუჯა დო შხვეფი.

პუჯა აკმოდირთუ: მედიტაციაშე, ასკეტიზმიშე, ბირაშე, წიმინდე ჭარილეფიშ კითხირშე, ოჭკომალიშ წჷმორინაფაშე დო პატიშჩამაშე. რიტუალიშ ბორჯის, რიტუალიშ მაკათურეფი იკეთენა შანი ტილაკას, ნამუთ იზადუ სანდალიშ პასტაშე, ნამუსჷთ მიკმისვანა ჸვაშა ვარდა ისვანა ჭითა ჭურჭულს ჸვაშ ოშქაშეს. თენა შანენს ღორონთიშა (ღორონთეფშა) დოქვემდებარაფაშ სიმბოლოს. რიტუალიშ ბორჯის ისრულებუაფუ დაჩხირით გჷმოწიმინდუა — რიტუალურ (წიმინდე) დაჩხირს მიშმაჸათანა ძღვენს ღორონთეფიშო, მანტრეფიშ კითხირიშ თუდო.

პუჯა, ინდოეთის ძალამი გოფაჩილი დო პოპულარული ოსურეფიშ ჯოხო რე.

გალერეა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. 1.0 1.1 Klostermaier, 1998, p. 142