ბჟადალი ბენგალი

ვიკიპედია-შე
გეგნორთი: ნავიგაცია, გორუა
ბჟადალი ბენგალი
ბენგ. পশ্চিম বঙ্গ, Pościm Bôngo
ქიანა ინდოეთიშ შილა ინდოეთი
სტატუსი შტატი
ადმინ. ცენტრი კალკუტა
შხუ ნოღა კოლკატა
შხუ ნოღეფი ხაურა, ასანსოლი, დურგაპური, სილიგური
მადუდე გუბერნატორი:
კეშარი ნატჰ ტრიპატჰი
თარი მინისტრი:
მამატა ბანერჯი
ოფიც. ნინა ბენგალური
მახორობა (2011)
91 347 736 (4-ა აბანი)
მეჭედალა 1029,25 კოჩი/კმ²
ფართობი 88 752 კმ² (13-ა აბანი)
ბჟადალი ბენგალი რუკას
აბრევიატურა IN-WB
კოდი ISO 3166-2 IN-WB
ოფიციალური ვებ-ხასჷლა

ბჟადალი ბენგალი (ბენგ. পশ্চিম বঙ্গ, Pościm Bôngo) — შტატი ინდოეთიშ ობჟათეშე. შტატიშ ნანანოღა დო უდიდაში ნოღა — კოლკატა. მახორობა — 91 347 736 ადამიერი (4-ა აბანი შტატეფს შქას; 2011 წ.).

გეოგრაფია[რედაქტირაფა | წყუშ რედაქტირაფა]

ართ-ართი წყარმალუ სუნდარბანიშ რაიონს
წყარმალუ ტისტაშ ლეხერი
შტატიშ რუკა

შტატი იდვალუაფუ ინდოეთიშ ბჟაეიოლ ნორთის, უხურგანს ბანგლადეშის (ბჟაეიოლშე), ბჰუტანს დო ინდოეთიშ სიკიმიშ დო ასამიშ შტატეფს (ოორუეშე დო ოორუე-ბჟაეიოლშე), შტატი ორისას (ობჟათე-ბჟადალშე), ჯარხანდიშ დო ბიჰარიშ შტატეფს (ბჟადალშე) დო ნეპალს (ოორუე-ბჟადალშე).

შტატიშ ტერიტორიაშ ფართობი 88 752 კმ² (13-ა აბანი). შტატიშ ბჟადალშე იდვალუაფუ ქჷნდჷრამი ემაღალაფირი აკანი (300—400 მ. სიმაღალაშახ), ოორუეშე — ჰიმალაი (დარჯილინგიშ რაიონს იდვალუაფუ გვალაშ ქჷნდჷრი სინგალილა, გვალა სანდაკფუწკჷმა, (ბჟადალი ბენგალიშ უმაღალაში კონკა (3636 მ)). შტატიშ თარი წყარმალუ, განგი, შტატიშ ტერიტორიას მუსხირენ ჸათ ირთუ დო ფართე დელტას აკმოქიმინჷნს. შტატიშ ოორუე გვალეფიშ ოწყარმალუე რშვილი წჷმორინაფილი რე თიჯგურა წყარმალუეფით, მუჭომეფით რე ტისტა, ტორსა, ჯალდჰაკა დო მაჰანანდა. შტატიშ ბჟადალი პლატოშ წყარმალუეფშა მიშმურს დამოდარი, აჯაი დო კანგსაბატი. წყარმალუ განგის აკოგაფილიე მუსხირენი ჰიდროელექტროსადგჷმი. წყარმალუ განგიშ მანგარი დოწინდარაფა, შტატიშ თარი ეკოლოგიური პრობლემა რე.

შტატიშ სქირონა — რზენამ ალუვიური ოფირჩა. ტყალეფი დო ოქვერჩხონე ჩანარეფი (შტატიშ ედომუშამი ფართობიშ დოხოლაფირო 10%), შილებე ქეშერხვადანი შტატიშ ოორუე ნორთის (ჰიმალაი დო ტერაი), თაშნეშე ბჟადალი დო ობჟათე ნორთის (განგიშ დელტაშ ნორთიშ გიმე). ჰიმალაიშ ლაკადეფი ფორილიე ირალწვანე ტროპიკული ტყალეფით, 1000 მეტრაშ სიმაღალაშ ეშე ითირუ სუბტროპიკული ტყალეფით.

რესურსეფი ინტერნეტის[რედაქტირაფა | წყუშ რედაქტირაფა]



wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.