ჟანინ ანიესი
| ჟანინ ანიესი Jeanine Áñez Chávez | ||
 ბოლივიაშ პრეზიდენტიშ საღალობაშ მარსულებერი | ||
|---|---|---|
| პოსტის გერინაშ ბორჯი | ||
| 11 გერგობათუთა, 2019 – 8 გერგობათუთა, 2020 | ||
| წიმოხონი | ევო მორალესი | |
| მონძე | ლუის არსე | |
| წიმოხონი | ადრიანა სალვატიერა (ოდებელი) | |
| პოსტის გერინაშ ბორჯი | ||
| 22 ღურთუთა, 2010 – 11 გერგობათუთა, 2019 | ||
| დუნაბადი | 13 მარაშინათუთა, 1967 სან-ხოაკინი, ბენი, ბოლივია | |
| მენოღალობა |  ბოლივია | |
| ერუანობა | ბოლივიარი | |
| პოლიტიკური პარტია | დემოკრატიული ჯარალუაშ ყარაფი | |
| ალმასქუ | ექტორ ერნანდო ხინკაპი | |
| საქვარუა | პოლიტიკოსი | |
ჟანინ ანიეს ჩავესი (ესპ. Jeanine Áñez Chávez, დ. 13 მარაშინათუთა, 1967, სან-ხოაკინი, ბენი, ბოლივია) — ბოლივიარი პოლიტიკოსი დო იურისტი. სენატორი ბენიშ დეპარტამენტიშე. 2019 წანაშ 11 გერგობათუთაშე 2020 წანაშ 8 გერგობათუთაშახ, ბოლივიაშ პრეზიდენტიშ ევო მორალესიშ დო შხვა ხემანჯღვერეეფიშ გინორინაშ უკული, პრეზიდენტიშ საღალობას არსულენდჷ. თინა მორალესიშ გარგანჩია აწმარენჯი რდჷ[1].
ბიოგრაფია
[რედაქტირაფა | წყუშ რედაქტირაფა]ანიესიქ დებად ნოღა სან-ხოაკინს. კინოხ Totalvision-იშ მედია დირექტორი რდჷ[2].
2006 წანაშე 2008 წანაშახ მუშენდჷ ახალი ოკონსტიტუციე ქარტიაშ აკმამუშებელჷ კომისიას. 2010 წანას თინა გეგშაგორეს სენატორო, მუჭოთ ბენიშ დეპარტამენტიშ წჷმმარინაფალი. 2019 წანაშე თინა სენატიშ მაჟირა ვიცე-პრეზიდენტი რე, დო თიშ მოაბანე რდჷ ფრანკლინ ვალდივია ლეიგი.
2019 წანაშ 10 გერგობათუთას, ბოლივიაშ პრეზიდენტი ევო მორალესიქ გეგნოდირთჷ. თეშ უკული ვიცე-პრეზიდენტ ალვარო გარსია ლინერაქ, ვარი გაცხადჷ პრეზიდენტიშ საღალობაშ რსულებაშე. თიშნერო თაშნეშე ვარი გაცხადჷ სენატიშ სპიკერქ ადრიანა სალვატიერაქ დო წჷმმარინაფალეფიშ პალატაშ მადუდე ვიქტორ ბორდაქ. თაშნეშე ვარი თქჷ ქიანაშ სენატიშ მაართა ვიცე-სპიკერქ. თე პოსტეფიშ პიჯეფიშ გინორინაფაშ უკული კონსტიტუციაშ ჭყანათ ნებაგოქუნელობაქ გინაჩჷ რანწკით გეჸვენჯი პოსტიშ პიჯის, სენატიშ მაჟირა ვიცე-სპიკერს, ჟანინ ანიესის. 2019 წანაშ 10 გერგობათუთაშ დგომარობათ, თინა უმაღალაში რანგიშ მონძე რდჷ ბოლივიაშ პრეზიდენტიშ პოსტის. თიქ მუშ დუდშა გეჭოფჷ პრეზიდენტიშ საღალობაშ რსულება დო პოსტის ქეგედირთჷ 2019 წანაშ 11 გერგობათუთაშე, თიშ უკული, მუთ სენატიქ ოფიციალურო მიღჷ კინოხიანი დღაშ გინორინაფეფიშ სერია[3]. 2020 წანაშ 8 გერგობათუთას, პრეზიდენტიშ პოსტი გეგნოჩჷ გიშაგორილ პრეზიდენტი ლუის არსეს.
პიჯული რინა
[რედაქტირაფა | წყუშ რედაქტირაფა]კოლუმბიარ პოლიტიკოსი, ექტორ ერნანდო ხინკაპიშ ალმასქუ რე.
თაშნეშე ქოძირით
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Bolivia: Who is Jeanine Anez?. კითხირიშ თარიღი: 11 November 2019.
- ↑ Jeanine Áñez Chávez (16 October 2015). კითხირიშ თარიღი: 11 November 2019.
- ↑ Jeanine Añez en proceso de ratificación tras renuncia del Presidente, Vicepresidente, Presidente del Senado y Presidente de la Cámara de Diputados de Bolivia. კითხირიშ თარიღი: 10 November 2019.