პოლიტიკა

ვიკიპედია-შე
გეგნორთი: ნავიგაცია, გორუა

პოლიტიკა — თენა რე:

  1. ჯარალუაშ დო სახენწჷფოშ მართუაშ ხელუანობა,
  2. ჯარალობური იდეეფიშ ართობურობა დო თიშე გიშნაველი ღანკმეწურაფილი საქვარუა, ნამუთ მერსხილი რე სახენწჷფოეფს, კათეფს, ერეფს, სოციალურ ბუნეფს შქას ოთელარეთ შანულამი ურთიართობეფიშ გჷმოქიმინუაწკჷმა.

პოლიტიკას ულირს გჷთმოთანჯჷნდეს შხვადოშხვანერო, კერზოთ: (ა) მუჭოთ ”ომაფე ხელუანობას” არძა შხვა ხელუანობაშ (ორატორული, ოურდუმე, სასამართალო) ომართალო, (ბ) მუჭოთ უნარს ”არძა მენოღალეშ თხილუაშ დო თინეფს შქას უფურაშეფიშ უჯგუშო გჷნოქიმინუაში” (პლატონი), (გ) მუჭოთ რჩქინას სამართალიანი დო ბრძენული მართუალაშ გეშა (მაკიაველი), (დ) მუჭოთ კლასეფიშ ინტერესეფიშ ტროგებას (მარქსი).

პოლიტიკა, მუჭოთ მენცარობა[რედაქტირაფა | წყუშ რედაქტირაფა]

პოლიტიკა, მუჭოთ მენცარობა დითმიგურუანს სახენწჷფოშ ღანკეფიშ მეჭირინაფაშ ხერხეფს. აშხვავენა დინოხოლენ დო გალენურ პოლიტიკას. თინეფშე მაართა გჷთმითანჯუ თი ღანკიშ დინორეთ, ნამუსჷთ ისახენს თარობა დო ჯარალუაშ მამართალი კლასეფი, დო თი საშვალებეფით, ნამუთ თე ღანკეფი მიჭირინუაფუ. დინოხოლენი პოლიტიკაშ ღაკნის შილებე უღუდას ხასიათი:

  • დინასტიური (მამართალი ფანიაშ ინტერესეფიშ თხილუა),
  • არისტოკრატიული (დიდგვარუანი ფანიეფიშ ნებეფიშ დო პრივილეგიეფიშ თხილუა),
  • ოურდუმე (აკოანჯარაფილი ბუნეფიშ წიმი პლანშა წჷმოკინა),
  • ოკათე (ედომუშამი მახორობაშ ომერნე დო შურიელი ინტერესეფიშ თხილუა).

გალენური პოლიტიკა იკათუანს სახენწჷფოეფოშქაშე ურთიართობეფიშ ოკითხეფს, მუნერეფით რე: ლჷმა დო შვიდობა, სახენწჷფოეფიშ რსხუეფი დო აპიჯალეფი, ოერეფოშქაშე ვაჭარუა, გოლინაშ სფეროეფიშ გჷნორთუალა, ზუღეფიშ, კოლონიეფიშ ღვენობა დო შხვა.

მუში დინოხოლენი ფორმათ სახენწჷფო პოლიტიკა შილებე ორდას:

  • კონსერვატიული - ტრადიციეფიშ დო არსებული ჯარალობური ინსტიტუტეფიშ ასქილადაფა,
  • პროგრესული - მეჭირინაფა სახენწჷფო დო ჯარალობური სისტემაშ გჷნოქიმინუაშო,
  • ლიბერალური - თარობაშ ნდობა ჯარალობური ელემენტეფიშო დო შხვა.

თუ სახენწჷფო მართალას დარგეფო გობრთუნთ-და, შილებე რაგადი სახნწჷფოშ ფინანსურ, საბაჟო, სატარიფო, სავაჭრო, სარეწუალო, ფისკალურ, ორკინაშარე პოლიტიკაშენ.

პოლიტიკური სისტემეფი დო იდეოლოგიეფი[რედაქტირაფა | წყუშ რედაქტირაფა]

პოლიტიკური ჩინებეფი დო ტერმინეფი[რედაქტირაფა | წყუშ რედაქტირაფა]

კლასი - მართუალაშ ფორმა - პოლიტიკური პარტია - რევოლუცია - გალენური პოლიტიკა - დინოხოლენი პოლიტიკა - სახენწჷფო - ხეშუულება



wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.