რეიჩელ კარსონი

ვიკიპედია-შე
ნავიგაციაზე გადასვლა ძიებაზე გადასვლა
რეიჩელ კარსონი
Rachel-Carson.jpg
რეიჩელ კარსონი 1940 წანას
დაბადებაშ თარიღი:

27 მესი, 1907

დაბადებაშ აბანი:

სფრინგდეილი, პენსილვანია, ააშ

ღურაშ თარიღი:

პირელი 14, 1964 (56 წანერი)

ღურაშ აბანი:

სილვერ-სფრინგი, მერილენდი, ააშ

ერუანობა:

Flag of the United States.svg ამერიკალი

საქვარუა:

ბიოლოგი
ჭარუ

პერიოდი :

1937–1964

Magnum opus:

ზუღაშ ბორიაშ თუდო (1941)
ზუღა ჩქინი მუკი-მუკი (1951)
ზუღაშ ძგას (1955)
რჩქალი აფუნი (1962)

ნინა:

ინგლისური ნინა

ჯილდოეფი:

ომენცარე ჟურნალიზმიშ პრემია (1950)
გუგენჰაიმიშ სტიპენდია (1951)
ერუანული წინგიშ პრემია (1952)
ჯონ ბეროუზიშ მენდალი (1952)
კალუმიშ გეოგრაფიული მენდალი (1963)
ოდიუბონიშ ერუანული ჯარალუაშ მენდალი (1963)
ოსურეფიშ ერუანული დიდობაშ დარბაზი (1973)
დუდიშალაშ ოპრეზიდენტე მენდალი (1980)
მერილენდიშ ოსურეფიშ დიდობაშ დარბაზი (1985)

რეიჩელ ლუიზ კარსონი (ინგლ. Rachel Louise Carson; დ. 27 მესი, 1907, სფრინგდეილი, პენსილვანია, ააშ — ღ. 14 პირელი, 1964, სილვერ-სფრინგი, მერილენდი, ააშ) — ამერიკალი ოზუღე ბიოლოგი დო ჭარუ. თიში ნაჭარეფი უმოსო ორხველუდჷ ეკოლოგიურ პრობლემეფს. მიშეღჷ დიდი თია წვანეეფიშ ჸარაფეფიშ გოვითარაფაშა. კარსონიშ პოპულარულ-მენცარული ნაჭარეფიშე არძაშე უმოსო რეიტინგული წინგეფი რე: "ზუღაშ ბორიაშ თუდო" (1941), "ზუღა ჩქინი მუკი-მუკი" (1951), "ზუღაშ ძგას" (1955) დო "რჩქალი აფუნი" (1962).

რეიჩელ კარსონი გურაფულენდჷ ჩატემიშ უნივერსიტეტის. დუდშე თიში ინტერესეფიშ სფერო რდჷ ინგლისური ლიტერატურა, ბიოლოგიათ უკულიან წანეფს დეინტერესჷ. ჩატემიშ უკულ გურაფა გაგინძორჷ ჯონს ჰოპკინსიშ უნივერსიტეტის, სოდეთ ზოოლოგიას დო გენეტიკას გურაფულენდჷ.

გურაფაშ თებაშ უკულ, კარსონი მუშენდჷ ააშ-იშ მეჩხომეობაშ ბიუროს. პროფესიული ლიტერატურული კარიერა კარსონიქ 1950-იან წანეფშე დიჭყჷ. 1951 წანას გიშაშაქვჷ წინგი "ზუღა ჩქინი მუკი-მუკი". წინგიქ ბესტსელერო გინირთჷ დო მიპალუ ერუანული წინგიშ პრემია. ზუღაშ ტრილოგიაშ შხვა ნაწარმებეფიე: "ზუღაშ ძგას" დო "ზუღაშ ბორიაშ თუდო". ჸათე წინგეფს კარსონი ეთმოჭარუნს დო ირკვიენს ოკიანურ ცხოვრებას დეტალურო.

1950-იან წანეფიშე კარსონიქ დეინტერესჷ ჸეთი ეკოლოგიური პრობლემეფით, ნამუეფიშ ბაძაძი კარსონიშ აზრით რდჷ პესტიციდეფი. ჸათე თემაშე რე ჭარილი კარსონიშ ბესტსელერი "რჩქალი აფუნი", ნამუქჷთ ავტორს მოუღჷ დიდი პოპულარობა მოსოფელიშ მასშტაბით.

რეიჩელ კარსონიქ ღურუ 1964 წანაშ 14 პირელს, კიდირიშ კიბოთ.

კარსონი რდჷ შხვადოშხვა პრემიეფიშ დო ჯილდოეფიშ ლაურეატი. ღურაშ უკულ, კარსონს, 1980 წანას ამერიკაშ პრეზიდენტიქ ჯიმი კარტერქ გინოჩჷ პრესტიჟული ჯილდო დუდიშალაშ ოპრეზიდენტე მენდალი.

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: