დინორეშა გინულა

რობერტ ედვარდსი

ვიკიპედიაშე
რობერტ ედვარდსი
ინგლ. Robert Edwards

რობერტ ედვარდსი 2010 წანას
დაბადებაშ თარიღი:

27 ეკენია, 1925

დაბადებაშ აბანი:

ბატლი, ინგლისი

ღურაშ თარიღი:

პირელი 10, 2013 (87 წანერი)

ღურაშ აბანი:

კემბრიჯი, ინგლისი

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ფიზიოლოგია, რეპროდუქციული მედიცინა

სამუშაშ აბანი :

კემბრიჯიშ უნივერსიტეტი
ედინბურგიშ უნივერსიტეტი
ბანგორიშ უნივერსიტეტი
სამედიცინო რკვიებეფიშ ერუანული ინსტიტუტი
კალიფორნიაშ ტექნოლოგიაშ ინსტიტუტი
ჩერჩილიშ კოლეჯი
ბორნ ჰოლიშ კლინიკა

ალმა-მატერი:

ბანგორიშ უნივერსიტეტი
ედინბურგიშ უნივერსიტეტი

ომენცარე ხემანჯღვერი:

კონრად ჰელ უოდინგტონი

ჯოხოშინელი მოგურაფეეფი:

რიჩარდ გარდნერი
მარტინ ჰიუმ ჯონსონი
როჯერ გოსდენი
აზიმ სურანი

ჩინებული რე მუჭოთ:

ინ ვიტრო გაჸოფიერაფაშ პროცედურაშ დუმარსხუაფალი

ჯილდოეფი დო პრემიეფი:

ომაფე ჯარალუაშ მაკათური (1984)
მაფა ფეისალიშ საირქიანო პრემია (1989)
ევროპული აკადემიაშ მაკათური (1989)
ლასკერიშ პრემია (2001)
ირდლი ჰოლანდიშ ორქოშ მენდალი (2005)
ნობელიშ პრემია ფიზიოლოგიაშ დო მედიცინაშ დარგის (2010)
რაინდი-ბაკალარი (2011)
ბრიტანეთიშ იმპერიაშ ორდენიშ კომანდორი

სერ რობერტ ჯეფრი ედვარდსი (ინგლ. Sir Robert Geoffrey Edwards; დ. 27 ეკენია, 1925, ბატლი, ინგლისი — ღ. 10 პირელი, 2013, კემბრიჯი, ინგლისი) — ინგლისარი ფიზიოლოგი, რეპროდუქციული მედიცინაშ პიონერი, გინეკოლოგი პატრიკ სტეპტო დო მედდა ჯინ პერდიწკჷმა ართო მერჩქინელი რე ინ ვიტრო გაჸოფიერაფაშ პროცედურაშ დუმარსხუაფალო. მაართა ბაღანა, ნამუქჷთ ჸათე პროცედურათ დებადჷ, რდჷ ლუიზა ბრაუნი, 1978 წანას. ინ ვიტრო გაჸოფიერაფაშ გოვითარაფაშ გეშა ედვარდსიქ 2010 წანას მიპალუ ნობელიშ პრემია ფიზიოლოგიაშ დო მედიცინაშ დარგის.

რობერტ ედვარდსი გურაფულენდჷ ბიოლოგიას, ბანგორიშ უნივერსიტეტის. უკულ გურაფა გაგინძორჷ ედინბურგიშ უნივერსიტეტიშ ჩხოლარეფიშ გენეტიკაშ დო ემბრიოლოგიაშ ინსტიტუტის, სოდეთ მიპალუ დოქტორიშ ხარისხი 1955 წანას, კონრად ჰელ უოდინგტონიშ ხემანჯღვერობათ.

გურაფაშ თებაშ უკული მუშენდჷ შხვადოშხვა ომენცარე ინსტიტუტეფს: კალიფორნიაშ ტექნოლოგიაშ ინსტიტუტის, სამედიცინო რკვიებეფიშ ერუანული ინსტიტუტის, კემბრიჯიშ უნივერსიტეტის. ედვარდსიქ, სტეპტოწკჷმა ართო 1980 წანას დარსხუ ბორნ ჰოლიშ კლინიკა. ედვარდსი რდჷ ომენცარე ჟურნალიშ "Human Reproduction"-იშ დუმარსხუაფალი დო რედაქტორი.

რესურსეფი ინტერნეტის[რედაქტირაფა | წყუშ რედაქტირაფა]