როდნი პორტერი
| როდნი პორტერი | |
| ინგლ. Rodney Porter | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 6, 1985 (67 წანერი) |
| ღურაშ აბანი: |
უინჩესტერი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
ნობელიშ პრემია ფიზიოლოგიაშ დო მედიცინაშ დარგის (1972) |
.svg){kind=small}
როდნი რობერტ პორტერი (ინგლ. Rodney Robert Porter; დ. 8 გჷმათუთა, 1917, ნიუტონ-ლე-ვილოუსი, ლანკაშირი, ინგლისი — ღ. 6 ეკენია, 1985, უინჩესტერი, ინგლისი) — ინგლისარი ბიოქიმიკოსი, ანტირსხულიშ მოლეკულეფიშ სტრუქტურაშ ძირაფაშ დო მენცარული რკვიებაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1972 წანას (ჯერალდ ედელმანიწკჷმა ართო).
ბიოგრაფია
[რედაქტირაფა | წყუშ რედაქტირაფა]როდნი პორტერქ დებადჷ 1917 წანაშ 8 გჷმათუთას, ინგლისიშ ნოღა ნიუტონ-ლე-ვილოუსის. გურაფულენდჷ ეშტონ-ინ-მეიკერფილდიშ სკოლას. უკულ გურაფა გაგინძორჷ ლივერპულიშ უნივერსიტეტის, სოდეთ ბიოქიმიას გურაფულენდჷ. პორტერქ ლივერპულიშ უნივერსიტეტის მიპალუ მენცარობაშ ბაკალავრიშ ხარისხი 1939 წანას. გურაფაშ უკულ მონაწილენდჷ მაჟირა მოსოფელიშ ლჷმას. ლჷმაშ თებაშ უკულ გურაფულენდჷ კემბრიჯიშ უნივერსიტეტის, სოდეთ თხილუ ოდოქტორე დისერტაცია ფრედერიკ სენგერიშ ხემანჯღვერობათ, 1948 წანას. გურაფაშ თებაშ უკულ პორტერი მუშენდჷ მედიცინაშ რკვიებაშ ერუანულ ცენტრის 11 წანას (1949-1960) დო უკულ ლონდონიშ იმპერიულ კოლეჯის. 1967 წანაშე პორტერი რდჷ ოქსფორდიშ უნივერსიტეტიშ ბიოქიმიაშ პროფესორი. როდნი პორტერქ ღურუ 1985 წანაშ 6 ეკენიას, ავტოკატასტროფას, ნოღა გილფორდიშ გოხოლუას.
ჯილდოეფი დო პრემიეფი
[რედაქტირაფა | წყუშ რედაქტირაფა]როდნი რობერტ პორტერი რდჷ შხვადოშხვა ჯილდოეფიშ დო პრემიეფიშ ლაურეატი. 1964 წანაშე პორტერი რდჷ ომაფე საზოგადოებაშ მაკათური, 1966 წანას გინოჩეს გაირდნერიშ პრემია, 1972 წანას ნობელიშ პრემია ფიზიოლოგიაშ დო მედიცინაშ დარგის, 1973 წანას პორტერქ მიპალუ ომაფე მენდალი დო 1983 წანას კოპლიშ მენდალი.