როჯერ ჟელიაზნი

ვიკიპედიაშე
როჯერ ჟელიაზნი
ფსევდონიმი:

Harrison Denmark

დაბადებაშ თარიღი:

13 მესი, 1937

დაბადებაშ აბანი:

იუკლიდი, ოჰაიო, ააშ

ღურაშ თარიღი:

მანგი 14, 1995 (58 წანერი)

ღურაშ აბანი:

სანტა-ფე, ნიუ-მექსიკო, ააშ

ერუანობა:

ამერიკალი

საქვარუა:

ჭარუ, პოეტი

პერიოდი :

1962 - 1995

Magnum opus:
  • სინთეშ პატონი
  • ამბერიშ ქრონიკეფი
  • ღურელეფიშ კოკი
  • თიში სახეშ კარეფი, თიში პიჯიშ ფანარეფი დო შხვა თხობელუეფი
  • კარეფი ქვიშას
  • კატუშ თოლი
  • უნიქორნიშ ვარიაციეფი
  • ხვალახე გჷმათუთაშ სერი
ჟანრი:

ფენტეზი
ომენცარე ფანტასტიკა

ნინა:

ინგლისური ნინა

ჯილდოეფი:

ჰიუგოშ პრემია (ამშვიშა)
ნებულაშ პრემია (სუმშა)
ლოკუსიშ პრემია (ჟირშა)
სეიუნიშ პრემია (ჟირშა)
ბალროგიშ პრემია (ჟირშა)
აპოლოშ პრემია
ომენცარე ფანტასტიკაშ დო ფენტეზიშ დიდობაშ დარბაზი (2010)

როჯერ ჯოზეფ ჟელიაზნი (ინგლ. Roger Joseph Zelazny; დ. 13 მესი, 1937, იუკლიდი, ოჰაიო, ააშ — ღ. 14 მანგი, 1995, სანტა-ფე, ნიუ-მექსიკო, ააშ) — ამერიკალი ჭარუ დო პოეტი. უმოსო მოღალენდჷ ფენტეზიშ დო ომენცარე ფანტასტიკაშ ჟანრეფს. თიში არძაშე უმოსო შინელი ნაწარმები რე ამბერიშ ქრონიკეფი.

როჯერ ჟელიაზნიქ დებადჷ ოჰაიოს, პოლონარი ემიგრანტეფიშ ფანიას. გურაფულენდჷ ინგლისურ ლიტერატურას კეიზიშ ბჟადალ ორეზერვე უნივერსიტეტის, ნამუთ 1959 წანას გათუ. უკულ გურაფა გაგინძორჷ კოლუმბიაშ უნივერსიტეტის, სოდეთ მიპალუ მაგისტრიშ ხარისხი 1962 წანას.

1962-1969 წანეფს ჟელიაზნი მუშენდჷ ააშ-იშ სოციალური უშქურანჯობაშ ადმინისტრაციას. 1969 წანაშ 1 მესის მუშობა ქიმიოტუ დო პროფესიული ჭარალუაშ კარიერა ქიდიჭყჷ. ჸათე პერიოდის თინა ოკათუდჷ ომენცარე ფანტასტიკაშ ბალტიმორიშ ჯარალუას. ჸათე ორგანიზაციაშ მაკათურეფი რდეს გიშარჩქინელი ავტორეფი: ჯეკ ჩალკერი, ჯო ჰალდემანი, ჯეკ ქეროლ ჰალდემანი დო შხვეფი.

ჟელიაზნიშ ნახანდეფიშ თარი თემეფიე: უღურალობა, ადამიერეფი ნამუეფით ღორონთეფო გინმირთუნა. თიში ნაჭარეფიშ მითოლოგიური ასპექტეფი გერსხილი რე ჩინურ, ეგვიპტურ, ბერძნულ, ინდურ დო სკანდინავიურ მითოლოგიურ ტრადიციეფს.

რესურსეფი ინტერნეტის[რედაქტირაფა | წყუშ რედაქტირაფა]