საბაჰ ალ-აჰმედ ალ-ჯაბერ ალ-საბაჰი

ვიკიპედია-შე
Jump to navigation Jump to search
საბაჰ ალ-აჰმედ ალ-ჯაბერ ალ-საბაჰი
არაბ. صباح الأحمد الجابر الصباح‎‎
Sheikh Sabah IV.jpg
Emblem of Kuwait.svg
Standard of the Emir of Kuwait.svg ქუვეითიშ ამირა
დუდალ. დაჭყაფუ: 24 ღურთუთა, 2006
დუდალ. დათებუ: ასეშა
წიმოხონი: საად ალ-აბდულაჰ ალ-სალიმ ალ-საბაჰი
მონძე:ამირა ნაუფ ალ-აჰმედ ალ-ჯაბერ ალ-საბაჰი
დაბ. თარიღი: 16 მანგი, 1929 (1929-06-16) (91 წანერი)
დაბ. აბანი:ელ-ქუვეითი, ქუვეითი
ალმასქუ:ჩილნაღურა
სქუალეფი:ქომლსქუალეფი:
ნასერი და ჰამიდი
დინასტია:ალ-საბაჰი
მუმა:აჰმედ ალ-ჯაბერ ალ-საბაჰი
ნანა:მუნირა ალ-აიარი
რელიგია:ისლამი (სუნიტი)
გონათაფა:ალ-მუბარაქიაშ სკოლა

საბაჰ ალ-აჰმედ ალ-ჯაბერ ალ-საბაჰი (არაბ. صباح الأحمد الجابر الصباح‎‎; დ. 16 მანგი, 1929) — ქუვეითიშ ამირა 2006 წანაშ 29 ღურთუთაშე. თიში წიმოხონი საად ალ-აბდულაჰ ალ-სალიმ ალ-საბაჰი ვითდღარი მართუალაშ უკული პარლამენტიქ 2006 წანაშ 24 ღურთუთას გეგნარინჷ დალახებაშ გეშა დო ხუთი დღაშ უკული დიფუჩჷ ასეიან ამირაქ. თინა ზოხორინელი ქუვეითიშ მაანთხა ამირა რე დო ქუვეითწკჷმა ართო დუდენს ალ-საბაჰეფიშ სათუროს.

ამირას გიშაკერძაფილი გმოცადაფა უღუ გალენურ ურთიართობეფს, თინა 40 წანაშ გოძვენას (1963-2003) ქიანაშ გალენური საქვარეფიშ ომინისტრეს დუდენდჷ, 2003-2006 წანეფს — პრემიერ-მინისტრიშ პოსტი უკებუდჷ.

ამირა ჩილნღურა რე, თიში ალმასქუქ დიო ხოლო ერაყ-ქუვეითიშ ლჷმაშახ ღურჷ. ამიარას ჟირი ქომოლსქუა ჸუნს, უნჩაში, შეიხი ნასერი, მინისტრი რე დო ისლამური ხელუანობაშ მინუშეფიშ მოსოფელს უდიდაში კოლექციაშ მინჯე რე. მაჟირა - შეიხ ჰამედი ბიზნესმენი რე დო ობანკე-ოფინანსე ბიზნესის მოღალენს. თაშნეშე ამირაშ ჸუნდჷ შხვა ჟირი სქუათ. ცირასქუა - შეიჰა სალვა, ნამუქჷთ 2002 წანა კიდირიშ კიბოთ დოღურჷ. მუმას ძალამ უჸორდჷ მუში ცირასქუა დო დოხორეს, სოდე ამიარა ოხორანსჷნ, „დარ სალვა“ - „სალვაშ დოხორე“ გიოდჷ. მონარქიშ მაანთხა სქუაქ 1969 წანას ბაღანობას ავტოკატასტროფას დოღურჷ. ამირას გიშაკერძაფილო მოწონს ფოტოგრაფია დო ჩხომუა.

ასეიანი მონარქიშ მონძე რე თიში ჯიმაჸონერი ამირა ნაუფ ალ-აჰმედ ალ-ჯაბერ ალ-საბაჰი. თიშ მონძეთ ოფიციალურო გჷმიცხადჷ 2006 წანაშ 7 ფურთუთას.

ლიტერატურა[რედაქტირაფა | წყუშ რედაქტირაფა]

  • გ. ჭანტურია, ს. ჭანტურია - მსოფლიოს მონარქები, თბ., 2008 წ.