სალარ-დე-უიუნი

ვიკიპედია ხასჷლაშე
გეგნორთი: ნავიგაცია, გორუა
აბანდვალა
ალმაშარული ფოტო

სალარ-დე-უიუნი (ესპ. Salar de Uyuni) — მოსოფელს უდიდაში ჯიმუშ ტობა ობჟათე ბოლივიას. იდვალუაფუ პოტოსიშ დო ორუროშ დეპარტამენტეფს, ანდეფიშ დობოლოაფას, ზუღაშ დონეშე 3,656 მეტრის. მუში ფართობი 10,582 კმ² რე.[1] იფორმირჷ მუდგაზმარენი პრეისტორიული ტობაშ ტრანსფორმაციათ. ტობა ფორილი რე მუდგაზმარენი მეტრაშ სიფსქაშ ჯიმუშ ქერქით. თაშნეშე იკათუანს წყჷთე ნჩჷრეეფს, ნამუეფით გჷშაკერძაფილო დიდარი რე ლითიუმით. გვალო თაქ იდვალუაფუ საგებიო ლითიუმიშ მარაგიშ 50-70%.[2] თე ტერიტორია მეჸუნს თარი ოტრანსპორტე შარა, ნამუთ კვათჷნს ბოლივიაშ ალტიპლანოს. ტობას ინოხე ვარდიშფერი ფლამინგოეფიშ მუდგაზმარენი სახეობა. იდეალური სიბირტყაშ დო მინიმალური გინოწონილობაშ, წკონდა დო კანკალა ჰაერიშ გეშა, თე რეგიონი იდეალური რე დიხაუჩაშ ალმაშარული დაკვირაშ ალტიმეტრული დოკალიბრაფაშ მეთოდით.

წჷმოქიმინუა[რედაქტირაფა]

40 ვითოში წანაშ წოხოლე, თე ტერიტორია მინჩინიშ ტობაშ ტერიტორიას წჷმარინუანდჷ. მუში სქირაფაშ უკული, დოსქიდჷ ამდღა არსებულ ჟირ ტობაქ - პოოპოქ დო ურუ-ურუქ, თაშნეშე ჟირი უდიდაში ჯიმუამი ონტყოლაშე - კოიპასა დო სალარ-დე-უიუნი.

გოლინა ეკონომიკაშეე[რედაქტირაფა]

სალარ-დე-უიუნიშ ჯიმუშ მარაგი 25 მილიარდ ტონას აკმადგინანს. თაურეშე ირწანურო იწარმებუ 25.000 ტონა. გოვითარაფილი რე ტურიზმი, თაქ რე აკანურეფიშ ჯიმუშ ბერკეტეფშე ეგაფილი სასუმაროეფი.[3].

გალერეა[რედაქტირაფა]

ტობაშ პანორამა
ტობაშ პანორამა

ქოძირით თაშნეშე[რედაქტირაფა]

რესურსეფი ინტერნეტის[რედაქტირაფა]

სქოლიო[რედაქტირაფა]

  1. Uyuni Salt Flat. Encyclopædia Britannica. კითხირიშ თარიღი: 2007-12-01.
  2. Keating, Joshua (2009-10-21). Bolivia's Lithium-Powered Future: What the global battery boom means for the future of South America's poorest country.. Foreign Policy.
  3. MEMBRANA | Мировые новости | Боливийцы строят новый отель из соли