საფრანგეთიშ ზუღაშმელენი დეპარტამენტი

ვიკიპედია-შე
Jump to navigation Jump to search

საფრანგეთიშ ზუღაშმელენი დეპარტამენტი (ფრანგ. département d’outre-mer, კუნტას DOM) — საფრანგეთიშ დეპარტამენტი, ნამუთ საფრანგეთიშ მეტროპოლიაშე მოჩილათირო იდვალუაფუ. ზუღაშმელენ დეპარტამენტეს კინ თიჯგურა პოლიტიკური სტატუსი უღჷნა, ნამუთ მეტროპოლიაშ დეპარტამენტეფსჷნ.

1946 წანას, მაანთხა რესპუბლიკაშით მეღებული კონსტიტუციაშ მეჯინათ, საფრანგეთიშ კოლონიეფი გვადელუპა დო მარტინიკაქ კარიბიშ ზუღას, საფრანგეთიშ გვიანაქ ობჟათე ამერიჯას დო რეიუნიონქ ინდოეთიშ ოკიანეს გითანჯჷ, მუჭოთ ზუღაშმელენი დეპარტამენტეფო. თის 2011 წანაშ 31 მელახიშ რეფერენდუმიშ შედეგო თაშნეშე ქეგიაძინჷ მაიოტაქ ინდოეთიშ ოკეანეს. ზუღაშმელენი დეპარტამენტეფი საფრანგეთიშ დო ევროპაშ რსხუშ უგურთუ ნორთი რე, ზუღაშმელენი დეპარტამენტეფი წჷმორინაფილი რენა საფრანგეთიშ ერუანულ ასამბლეას, საფრანგეთიშ სენატის, საფრანგეთიშ სოციალურ დო ეკონომიკურ სხუნუს, ევროპაშ პარლამენტის გიშმაგორჷნა მაკათურეფს დო ვალუტათ ევრო უღჷნა.

1982 წანაშე, საფრანგეთიშ ხეშულობაშით მანჯაფილი დეცენტრალიზაციაშ პოლიტიკაშ მეჯინათ, ზუღაშმელენ დეპარტამენტეფს გიშეგორჷ რეგიონალურ სხუნუეფქ, ნამუეფსჷთ საფრანგეთიშ დეპარტამენტეფიშ სხუნუეფიშ ანალოგიური ნებაგოქუნელობა უღჷნა. 2003 წანას კონსტიტუციაშ გინოჯინაშ შედეგო ხვარებაშა გემშართჷ ტერმინქ — „საფრანგეთიშ ზუღაშმელენი რეგიონი“, მარა სინანდულეს კანონდვალუა ვარზენს უჟინაშობას ნამდგაიჸინ დოხორელ პუნქტის დო ახალი ტერმინი პრაქტიკულო ვაგიმირინუაფჷ ფრანგულ მასმედიას.

შილა გერბი ტერიტორია რეგიონი ფართობი
კმ²
მახორობა
(ეჭარუა)
ნანანოღა
1 Unofficial flag of Guadeloupe (local).svg Coat of arms of Guadeloupe.svg გვადელუპა კარიბიშ ზუღა 1628 404 635
(2011)
ბას-ტერი
2 Drapeau aux serpents de la Martinique.svg Coat of arms of Martinique.svg მარტინიკა კარიბიშ ზუღა 1128 392 291
(2011)
ფორ-დე-ფრანსი
3 Flag of France.svg Blason Réunion DOM.svg რეიუნიონი ინდოეთიშ ოკიანე 2512 828 581
(2011)
სენ-დენი
4 Flag of French Guiana.svg Blason de la Guyane.svg საფრანგეთიშ გვიანა ობჟათე ამერიკა 91 000 237 549
(2011)
კაიენა
5 Flag of Mayotte (local).svg Coat of Arms of Mayotte.svg მაიოტა ინდოეთიშ ოკიანე 374 212 645
(2012)
მამუცუ
გვალო 96 642 2 075 701