სემიუელ ლეროი ჯექსონი

სემიუელ ლეროი ჯექსონი
Samuel L. Jackson in Hollywood California - June 2019
დაბადებაშ ჯოხო	სემიუელ ლეროი ჯექსონი
დაბადებაშ აბანი	ვაშინგტონი, ააშ
დებადჷ	21 ქირსეთუთა, 1948 (1948-12-21)
საქვარუა	არტისტი
აკოქიმინჯალაშ წანეფი	1972–ასეშა
ალმასქუ(ეფი)	ლატანია რიჩარდსონი (1980-ასეშა)
ოფიციალური ვებხასჷლა	ოფიციალური ვებ-ხასჷლა

სამუელ ლეროი ჯექსონი (ინგლ. Samuel L. Jackson დ. 21 ქირსეთუთა, 1948) — ოსკარიშ ნომინანტი დო BAFTA-შ გომორძგუაფილი ამერიკალი არტისტი.

ბიოგრაფია

რინაშ ადრეიანი წანეფი

სემიუელ ლ.ჯექსონი დებადუ 1948 წანაშ 21 ქირსეთუთას, ვაშინგტონს. თიქ ირდუ ჩატანუგას, ტენესი, დიამუშიშ, ელიზაბეტ ჯექსონწკუმა ართო. მუამიში ოხორანდუ კანსასას, მისური, უკული ქოთ დოღურუ. სამანჯელი ალკოჰოლი რდჷ. ჯექსონქ ხვალე მუზმაშარენ შეხვადუ მუამუშის. თინა გილეშუ Riverside High-ს (ათეჟამო Chattanooga School for the Arts and Sciences). ათეშ უკული თიქ მერთუ Morehouse College-ს, ატლანტა, ჯორჯიაშ შტატი.

კარიერა

ჯექსონქ კარიერა დიჭყუ 1972 წანას, ფილმის „Together for Days“. ათე დაჭყაფური როლიშ უკულ, თიქ გინოჭყვიდუ ულინუდკო ოხორინალო ნიუ-იორკიშა, მუთიქ წუმოძინა მუღუ. 1981 წანას, თიქ არსულ უშანე როლი ფილმის „რეგთაიმი“. თიშ უკული 6 წანაქ ჯექსონშო უწუმუძინუქ იჸუ. 1987 წანას, თიქ აკათუ ფილმის „თახმი ედი მერფი“, დო 1988 წანას, ფილმის „ამერიკას დორთინა“. 1981 წანას, ჯექსონქ გეჩინებაფუ სპაიკ ლი დო 1988 წანას ილაჸაფუ თიშ ფილმის „School Daze“. ათეს მაჸუნუ ფილმეფქი: „ჸოროფაშ ზუღა“ (1989),დიდებუანი ბოშეფი (1990), „ბლუზი უჯგუში რინაშე“ (1990) დო „ნაჩჷლეთი“ (1990). სპაიკ ლიშ მოხვარათ ხოლო თიქ ილაჸაფუ ფილმის „ჯუნგლეფიშ ჩეჩხური“.

ჯექსონიშ წუმოძინა გიშიგორე 1990-93 წანეფს. თიქ ილაჸაფუ: „ხვალე ბიზნესი“ (1991), „ავტორიტეტი“ (1992) თუფაქ შაკურწკუმა ართო, „პატრიოტული ლაჸაფეფი“ (1992), „კასილი ანჯარი 1“ (1993) „ამოსი დო ენდრიუ“ (1993) დო „იურული პერიოდიშ პარკი“(1993).

1994 წანას თის მიარცხუ კვენტინ ტარანტინოქ დო ფილმ „მაკულატურას“ ჯულს ვინფილდიშ როლი მიარზიუ. ჯექსონშო უჯინუ რდჷ, ნამდა ათე როლქ სპეციალურო თიშო იწარუნ. ფილმის ოკათუდ ბრელი ჩინებული მურიცხი: ჯონ ტრავოლტა, უმა თურმანი, ბრიუს უილისი დო შხვეფი. ათე როლით ჯექსონი ნომინირებული რდჷ ორქოშ გლობუსის დო BAFTA-შ დაჯილდოეფეფს. არტისტიქ ხვალე ათე ეკონია მიგუ.

1995-1997 წანეფს ილაჸაფუ ფილმეფს: „ღურაშ ჯუნა“, „ჸონიერი ნეძი 3“, „დიდი ჩე ტყურა“, „ჸვილუაშ ბორჯი რე“, „გირძეხანამ ჯუნა ლურიშ ოწოხოლე“, „ობედიშწარუ ბრუოიანი“, „ართი ბრუო შკვითი“, „ევაშ დუდოფორუ“ დო „ჯეკი ბრაუნი“. ათე ეკონიაშო მიღუ ბერლინალეშ ვარჩხილიშ თუნთი საუჯგუშო არტისტი კოჩიშო დო ორქოშ გლობუსიშ მასმა ნომინაცია. 1998 წანას თარი როლი ილაჸაფუ ფილმის „მუმარაგადაფალი“, ათე წანას ილაჸაფუ ფილმის „ჭითა ვიოლინო“, მუთიქ ძამი წუმოძინაქ იჸუ თიშო.

1999 წანას, ილაჸაფუ ფილმის „მურიცხული ლჷმეფი, ეპიზოდი I: ფორილი სართხილო“. მუსით გიაჸუნუ ფილმიშ გაგინძარებაქ 2002 წანას „მურიცხული ლჷმეფი, ეპიზოდი II: კლონეფიშ გენთხაფა“ დო 2005 წანაშ „მურიცხული ლჷმეფი, ეპიზოდი III: სითეფიშ ნჯარიშ ეშაღალა“. ჯექსონქ ილაჸაფუ თიჯგურა წუმოძინელი ფილმეფს მუჭომით რენ: „უცილებუ“ (2000), „ლჷმაში წესეფი“ (2000), „ადამიერი ფოქვაშე“ (2001), „სუმი იქსი“ (2002), „ფორმულა 51“ (2002), „ბაზა“ (2003), „სპეცრაზმი“ (2003), „ჩქიმ ქიანას“ (2004), „სუპერფანია“ (2004), „დოჸვილი ბილი, ტომი 2“ (2004), „კოჩი“ (2005), „სუმი იქსი 2“ (2005), „მაწვართალი კარტერი“ (2005), „უშქურანჯობაში ჸუდე“ (2006), გვერეფი ფურინჯის (2006), „ჩემპიონიშ დორთინა“ (2007), 1408 (2007), „უჩა გვერიშ კუსაფი“ (2007) „მაწიმინდალი“ (2007), „რკინაშ კოჩი“ (2008), „გენაძახა ნაფეშერეფი (2009)“, რკინაშ კოჩი 2 (2010), კაპიტანი ამერიკა: მაართა ნჯარიშ ეშმაღალარი (2011), ჯანგო დუდიშული (2012), ნჯარიშ ეშმაღალარეფი (2012), კაპიტანი ამერიკა: ზოთონჯიშ ჯარიშკოჩი (2014), გაჯოგალი ბრუო (2015).

2012 წანას ჯექსონქ კინ ილაჸაფუ ტარანტინოშ ეკონია ფილმის „ჯანგო დუდიშული“. ჯექსონქ არსული სტეფანიშ როლი, უჩახიტამ მოინალეშ, ნამუთ ჭკორობაშ დო რასიზმიშ მათხილარო გიშურს.

პიჯული რინა

ჯექსონიქ იგურგინუ ამერიკალ არტისტი, ლატანია რიჩარდსონწკუმა, 1980 წანას. ჭკობა, ნამუთ ოხორანს ლოს-ანჯელესის დო ჸუნა ცირასქუა, ზოი. თიქ დებადუ 1982 წანას დო გურაფლენს კულინარიაშ სკოლასი.

ფაილი:Samburgar.JPG

სამუელ ლ. ჯექსონი ფილმის „მაკულატურა“

ფილმოგრაფია

წანა		მარგალურო	ოდაბადური ჯოხოდვალა	როლი
1972	ფ	Together for Days	Together for Days	სტენი
1981	ფ	რეგთაიმი	Ragtime	ბანდის წევრი
1987	ფ	თახმი ედი მერფი	Eddie Murphy Raw	ედის ბიძა
1988	ფ	ამერიკას დორთინა	Coming to America	კაცი
1988	ფ	School Daze	School Daze	ლიდსი
1989	ფ	ჸოროფაშ ზუღა	Sea of Love	შავი ბიჭი
1990	ფ	დიდებუანი ბოშეფი	Goodfellas	პარნელ სტივენ ედვარდსი
1990	ფ	ბლუზი უჯგუში რინაშე	Mo' Better Blues	მედლოკი
1990	ფ	ნაჩჷლეთი	Def by Temptation	მინისტრი გართი
1991	ფ	ჯუნგლეფიშ ჩეჩხური	Jungle Fever	გეიტორ პურიფი
1991	ფ	ხვალე ბიზნესი	Strictly Business	მონრო
1992	ფ	ავტორიტეტი	Juice	ტრიპი
1992	ფ	პატრიოტული ლაჸაფეფი	Patriot Games	რობი ჯექსონი
1993	ფ	კასილი ანჯარი 1	Loaded Weapon 1	სერჟანტი ვეს ლუგერი
1993	ფ	ამოსი დო ენდრიუ	Amos & Andrew	ენდრიუ სტერლინგი
1993	ფ	იურული პარკი	Jurassic Park	ჯონ რეინოლდ არმონდი
1994	ფ	მაკულატურა	Pulp Fiction	ჯულს ვინფილდი
1995	ფ	ღურაშ ჯუნა	Kiss of Death	კელვინ ჰარტი
1995	ფ	ჸონიერი ნეძი 3	Die Hard with a Vengeance	ზეუს კარვერი
1996	ფ	დიდი ჩე ტყურა	The Great White Hype	ფრედ სულთანი
1996	ფ	ჸვილუაშ ბორჯი რე	A Time to Kill	კარლ ლი ჰეილი
1996	ფ	გირძეხანამ ჯუნა ლურიშ ოწოხოლე	The Long Kiss Goodnight	მიჩ ჰენესი
1996	ფ	ობედიშჭარე ბრუოიანი	Hard Eight	ჯიმი
1997	ფ	ართი ბრუო შკვითი	One Eight Seven	ტრევორ გარფილდი
1997	ფ	ევაშ დუდოფორალი	Eve's Bayou	ლუიზ ბატისტი
1997	ფ	ჯეკი ბრაუნი	Jackie Brown	ორდელ რობი
1998	ფ	მუმარაგადაფალი	The Negotiator	დენი რომანი
1998	ფ	ჭითა ვიოლინო	The Red Violin	ჩარლზ მორიცი
1999	ფ	მურიცხული ლჷმეფი, ეპიზოდი I: ფორილი სართხილო	Star Wars Episode I: The Phantom Menace	მეის ვინდუ
2000	ფ	უცილებუ	Unbreakable	ელია პრაისი
2000	ფ	ლჷმაში წესეფი	Rules of Engagement	ტერი ჩილდერსი
2001	ფ	ადამიაერი ფოქვაშე	The Caveman's Valentine	რომულუს ლედბეტერი
2002	ფ	სუმი იქსი	xXx	აგენტი ავგუსტუს გიბონსი
2002	ფ	ფორმულა 51	The 51st State	ელმო მაკელროი
2002	ფ	მურიცხული ლჷმეფი, ეპიზოდი II: კლონეფიშ გენთხაფა	Star Wars Episode II: Attack of the Clones	მეის ვინდუ
2003	ფ	ბაზა	Basic	სერჟანტი ნათან ვესტი
2003	ფ	ტოხუა	S.W.A.T.	დენ ჰარელსონი
2004	ფ	ჩქიმ ქიანას	In My Country	ლენგსტონ უიტფელდი
2004	ფ	ამნეზია	Twisted	ჯონ მილზი
2004	ფ	დოჸვილი ბილი, ტომი 2	Kill Bill Volume 2	რუფუსი
2005	ფ	კაცი	The Man	დერიკ ვანი
2005	ფ	სუმი იქსი 2	xXx: State of the Union	აგენტი ავგუსტუს გიბონსი
2005	ფ	მაწვრთალი კარტერი	Coach Carter	კენ კარტერი
2005	ფ	მურიცხული ლჷმეფი, ეპიზოდი III: სითეფიშ ნჯარიშ ეშაღალა	Star Wars Episode III: Revenge of the Sith	მეის ვინდუ
2006	ფ	უშქურანჯობაში ჸუდე	Home of the Brave	დოქტორი უილ მარში
2006	ფ	გვერეფი ფურინჯის	Snakes on a Plane	ნევილ ფლინი
2007	ფ	ჩემპიონის დაბრუნება	Resurrecting the Champ	ბობ სატერფილდი
2007	ფ	1408	1408	ჯერალდ ოლინი
2007	ფ	უჩა გვერიში კუსუა	Black Snake Moan	ლაზარუს ვუდსი
2007	ფ	მაწიმინდალი	Cleaner	ტომ კატლერი
2008	ფ	რკინაშ კოჩი	Iron Man	ნიკ ფური
2009	ფ	გენაძახა ნაფეშერეფი	Inglourious Basterds	ხმა კადრს მიღმა
2009	ფ	დიდა დო სქუა	Mother and Child	პოლი
2010	ფ	რკინაშ კოჩი 2	Iron Man 2	ნიკ ფური
2011	ფ	კაპიტანი ამერიკა: მაართა ნჯარიშ ეშმაღალარი	Captain America: The First Avenger	ნიკ ფური
2012	ფ	ჯანგო დუდიშული	Django Unchained	სტეფენი
2012	ფ	ნჯარიშ ეშმაღალარეფი	The Avengers	ნიკ ფური
2014	ფ	რობოტი-პოლიციარი	RoboCop	პატრიკ ნოვაკი
2014	ფ	კაპიტანი ამერიკა: ზოთონჯიშ ჯარიშკოჩი	Captain America: The Winter Soldier	ნიკ ფური
2015	ფ	ნჯარიშ ეშმაღალარეფი: ულტრონიშ ბორჯი	The Avengers: Age of Ultron	ნიკ ფიური
2015	ფ	კინგზმენი: ფულირი სამუშა	Kingsman: The Secret Service	რიჩმონდ ვალენტინი
2015	ფ	გაჯოგალი ბრუო	The Hateful Eight

რესურსეფი ინტერნეტის

ვიკიოწკარუეს^? რე ხასჷლა თემაშენ:

სემიუელ ლეროი ჯექსონი

• სემიუელ ლეროი ჯექსონი — კინოფილმეფიშ ინტერნეტ მუნაჩემეფიშ ბაზას (ინგლისური)
• ოფიციალური საიტი