სერგეი რახმანინოვი
| სერგეი რახმანინოვი | |
| რუს. Серге́й Васи́льевич Рахма́нинов | |
 სერგეი რახმანინოვი 1921 წანას | |
| მოღალობა |
კომპოზიტორი, დირიჟორი, პიანისტი |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი |
სემიონოვო, სტარაია-რუსა, ნოვგოროდიშ გუბერნია, რუსეთიშ იმპერია |
| ღურაშ თარიღი |
მელახი 28, 1943 (69 წანერი) |
| ღურაშ აბანი | |
| ნთხორუაშ აბანი | |
| მენოღალობა | |
| ერუანობა | |
| ჯილდოეფი: |
ომაფე ფილარმონიული ჯარალუაშ ორქოშ მენდალი (1932) |
სერგეი ვასილიშ სქი რახმანინოვი (რუს. Серге́й Васи́льевич Рахма́нинов; დ. 1 პირელი [ჯვ. სტ. 20 მელახი], 1873, სემიონოვო, სტარაია-რუსა, ნოვგოროდიშ გუბერნია, რუსეთიშ იმპერია — ღ. 28 მელახი, 1943, ბევერლი-ჰილზი, კალიფორნია, ააშ) — რუსი კომპოზიტორი, ვირტუოზი პიანისტი დო დირიჟორი. რახმანინოვი მერჩქინელი რე მუში ბორჯიშ ართ-ართ უდიდაშ პიანისტო დო მუჭოთ კომპოზიტორი, რუსული რომანტიზმიშ ართ-ართ უდიდაშ წჷმმარინაფალო. თიში მუსიკალური კომპოზიციეფი იხასიათებუ მელოდიურობათ, ექსპრესიულობათ დო დინდარი ორკესტრულობათ.
სერგეი რახმანინოვიქ დებადჷ მუსიკოსეფიშ ფანიას. ფორტეპიანოთ ბაღანობაშ წანეფიშე დეინტერესჷ. გურაფულენდჷ მოსკოვიშ კონსერვატორიას, ნამუთ გათუ 1892 წანას. 1897 წანას, სანქტ-პეტერბურგის იმანჯჷ რახმანინოვიშ სიმფონია № 1-შ პრემიერაქ, ნამუსჷთ პოპულარობაქ ვეიაჭოფჷ დო სერიოზული კრიტიკაქ ხოლო მაჸუნჷ. ჸათეშ გეშათ რახმანინოვი დეპრესიას რდჷ დო დოხოლაფირო ოთხი წანაშ გოძვენას მუთუნნერი სერიოზული კომპოზიცია ვაუჭარუ. 1902 წანას რახმანინოვიქ გასურუ ჭარუა პიანინოშ კონცერტი № 2-შ, ნამუსჷთ რუსული ჯარალუაქ ენთუზიაზმით შეხვადუ.
1917 წანაშ რუსეთიშ რევოლუციაშ უკულ, რახმანინოვიქ მუში ფანიაწკჷმა ართო, რუსეთი ქიდიტუ დო ოცხოვრებშა ნიუ-იორკიშა მიდართჷ. ამერიკას რინაშ ბორჯის, რახმანინოვიშ ნაჭარა კომპოზიციეფიშე ეიოშანალი რე: რაფსოდია პაგანინიშ თემაშე, სიმფონია № 3 დო სიმფონიური სხაპუეფი.
1942 წანას, ლახარაშ გეშათ, რახმანინოვიქ ოცხოვრებშა გინილჷ ბევერლი-ჰილზიშა. 1943 წანას მიპალუ ააშ-იშ მენოღალობა. სერგეი რახმანინოვიქ ღურუ 1943 წანაშ 28 მელახის, 69 წანერქ, მელანომათ. დასაფულებური რე კენსიკოშ სასაფლას.
რესურსეფი ინტერნეტის
[რედაქტირაფა | წყუშ რედაქტირაფა]- სერგეი რახმანინოვი ენციკლოპედია ბრიტანიკას
- სერგეი რახმანინოვი - ნახანდეფი პროექტ „გუტენბერგის“
- რახმანინოვიშ დისკოგრაფია MusicBrainz-ის
- სერგეი რახმანინოვი AllMusic-ის
- რახმანინოვიშ არქივი კონგრესიშ ბიბლიოთეკას
- სერგეი რახმანინოვი BBC Radio 3-ის
- სერგეი რახმანინოვიშ ფონდი