სიამენი

სიამენი
ქიანა	ჩინეთი
პროვინცია	ფუძიანი
კოორდ.	24°28′47″ ოორ. გ. 118°05′20″ ელ. გ. /
მადუდე	ჰვან ვენჰუვეი
ფართობი	4,290.84 კმ²
ცენტრიშ სიმაღალა	2275 მ
მახორობა	5,163,970 კოჩი (2020)
მეჭედალა	3,000 კოჩი/კმ²
ბორჯიშ ორტყაფუ	UTC+8
ტელ. კოდი	+86 592
ოფოსტე ინდექსი	361000
ოავტომობილე კოდი	闽D
ოფიციალური ვებ-ხასჷლა	რცხუ
	სიამენი
	სიამენი

სიამენი (ჩინ. 厦门市) — ნოღა ჩინეთის, სუბპროვინციული შანულობაშ ნოღა დო უკაბეტაში ონიშოლი ფუძიანიშ პროვინციას, ტაივანიშ საროტიშ გოხოლუას. იდვალუაფუ კოკეფს დო მატერიკიშ გოხოლუაშ წყარპიჯის, ჩანჯოშ (ოორუეშე) დო ჯანგჯოუშ (ობჟათეშე) შქას.

ორთაშ ინდექსიშ მეჯინათ, სიამენი მიშმურს მოსოფელიშ 40 საუჯგუშო ნოღაშ შქას მენცარული გითორკვიაფეფიშჸურე.^[1] ნოღას მუსხირენი კაბეტი უნივერსიტეტი რე, თინეფს შქას სიამენიშ უნივერსიტეტი, ჩინეთიშ ართ-ართი პრესტიჟული უნივერსიტეტი, ნამუთ მიშმურს თოქმა პირველი კლასიშ ერკებულშა, ჰუაციაოშ, ძიმეიშ, სიამენიშ ტექნოლოგიური უნივერსიტეტი დო სიამენიშ სამედიცინო კოლეჯი.^[2]

გეოგრაფია

ნოღაშ ისტორიული ცენტრი იდვალუაფუ კოკი სიამენიშ ობჟათე-ბჟადალშე, ტობა იუნდანიშ(ჩინ.)მარგ. ობჟათეშე, ნამუთ ულირს რდჷ წყარმალუ იუნდანიშ ფართო ესტუარი.

სიამენიშ კოკი მატერიკწკჷმა მერსხილი რე 4 ხინჯით: ბჟადალშე ჰაიცანიშ ხინჯი მეთმურსხუანს ჰაიცანიშ დო ჰულიშ რაიონეფს, შხვა სუმი ხინჯი (სიამენიშ, სილინიშ დო ძიმეი) ოორუეშე მეთმურსხუანს ძიმეიშ დო ჰულიშ რეიონეფს; თეშ მოხ უღჷ სიანანიშ სორილი ოორუე-ბჯაეიოლშე სიანანიშ დო ჰულიშ რაიონეფს შქას. კოკი გულანიის, სიამენიშ კოკიშ ობჟათე-ბჟადალშე კინოხ იდვალუაფუდეს შხვაში თური საკონსულოეფი, შხვაში თური ვაჭარეფიშ ჸუდეეფი; ასე თინა ისტორიული მუზეუმ-ტყაჩირი რე.