სიდჰართა გაუტამა
სიდჰართა გაუტამა (სანსკრიტი सिद्धार्थ गौतम, პალი Siddhattha Gotama; დოხოლ. ჯვ. წ. 563 - ჯვ. წ. 483) — ჯვეში ინდოალი შურიელი მონძღვარი დო ბუდიზმიშ დჷმარსხუაფალი. თაშნეშე ჩინებული რე მუჭოთ შაკიამუნი, ანუ ჭკვერი შაკიეფიშ გვარიშე. ბუდაშ ბიოგრაფია უჩინებუ რე, ანდანე გაუტამაშ რინაშ ეჭარუეფი თიში ულაშ უკული დოხოლაფირო 300 წანაშ უკული იჭარჷ.
ბუდა შაკიამუნიშ პირველი რინაშ ეჭარუა მოჩამილი რე სუტრა Majjhima Nikaya-ს, პალიშა, ნამუთ მიშმურს ტრიპიტაკაშა. მარა ტე სურტაშე ვეშილებე ბუდაშ რინაშე მუდგაქინი წჷმორინაშ მეღება, თინა ძალამ დოწეწილ ჩინებეფს ირზენს. პირველი ელაზჷმაფათ რსული ბიოგრაფიეფქ იჭარჷ ჯვ. წ. II ოშწანურას...
ბიოგრაფია
[რედაქტირაფა | წყუშ რედაქტირაფა]ბადება დო მაფასქირობა
[რედაქტირაფა | წყუშ რედაქტირაფა]ჯვეში ბუდისტური წყუეფიშ მეჯინათ, მუმალი ბუდაქ დებადჷ ნოღა ლუმბინის, თეხანური ნეპალიშ ტერიტორიას, კშატრულ ტომ შაკიეფიშ მაფაშ ფანიას. ლეგენდაშ მეჯინთ, სიდჰართაშ ბადებაშახ, დიამუშის უღუდჷ სპილოშ მოძირაფა, ნამუშ მიოწურუანს ბუდაშ გიშაკერზაფაშა. სიდჰარტაქ დებადჷ მესიშ თუთას, გოფშა თუტაშ ბორჯის, ბუდისტურ ოქიანუს თიში ბადებაშ დრა ფართოთ იშინუაფუ. ლეგენდაშ მეჯინათ, დიამუშიქ ბუდაშ ბადებაშის დოღურჷ.
მარა უმოსი ორდოაინი ისტორიული წყუეფიშ მეჯინათ, შაკიამუნიქ დებადჷ ომაფე ვარინ, არისტოკრატიულ ფანიას, მალიმორეფიშ კასტაშე, მორჩილი რესპუბლიკა შაკას. მუამუშის ჯოხოდჷ შუდკჰოდანა, დიამუშიშ ჯოხოქ უმოსი გვიანიშ წყუეფს მუკორჩქინდჷ - მაიადევი (მაჰამაია).
ახალბადებულ სიდჰარტას ანაგის გურჩქინდჷ კაბეტი ადამიერიშ 32 მაძირაფალქ. უწმოხმორაგადე ასიტა ურაგადუდჷ თეშ გეშა მაფას, ნამჷ-და მორჩილი ვარ-და კაბეტი მაფა, ვარ-და კაბეტი ჯეგეთ გნირთუდუნ. მუამუშის ონებუდჷ, ნამჷ-და სქუა კაბეტი მაფათ გჷნორთედუკონ დო ომანგეთ რდუნდჷ. სიდჰარტას ეთმუღანდეს ირფელს, ნამუსჷთ შეულებუდჷ თიში განაწყენება.
სიდჰარტაშ ბაღანობა დო ომორდუალობა უნარღელი რდჷ. თინა 16 წანერი რდჷ, მუჟანსჷთ მუამუშიქ ოსურო ქეკუხუნჷ იასოდჰარა. მალას თინეფს ქომოლსქუა რაჰულქ ქაშუეს.
რესურსეფი ინტერნეტის
[რედაქტირაფა | წყუშ რედაქტირაფა]