სიქიზმი
სიქიზმი (პენჯ. ਸਿੱਖੀ „მაგურაფუ“) — ინდოეთიშ ართ-ართი ახალნორდი მონოთეისტური რელიგიური რწუმა, დირსხუ ჩქ.წ. XV ოშწანურას გურუ ნანაკიშენ. რელიგია თარო გოფაჩილი რე პენჯაბიშ შტატის. ჸუნს ეჩი მილიონიშე უმოსი გემაჸვენჯი.
სიქიზმი ქადაგენს არძა რელიგიეფიშ (მუშ ბორჯის იგურიშხონარებუდჷ ისლამი დო ინდუიზმი) შემწყნარებელობას, ადამიერეფიშ წორონებელობას, ოსურეფიშ ემანსიპაციას დო თ.უ.
სიქიზმიშ წიმინდე წინგის ჯოხო „გურუ გრანთი“. სიქეფს, ბიბლიური რელიგიეფიშ (იუდაიზმი, ქირსიანობა, ისლამი) ნერო, ართი უსახე დო უჯოხო ღორონთი წანა, ნამუსჷთ თინეფი სანსკრიტიშე ნოსისხერი ზიტყვათ მიშინუანდეს - პარამატმანი (”ჟიშური”) დო სიქიზმიშ დუმარსხუაფალიშ - ნანაკიშ მოხ ხოლო ჩხორო გურუშ ცენდეს პატის. თე რელიგიაქ ინდუიზმიშე ირსხჷ შურიშ უღურალობაშ, კარმაშ, დჰარმაშ დო შხვა იდეა.
სიქი ქომოლკოჩეფი ბჟაკეს დო თუმას დღას ვეხოკჷნა, თეშ გეშა ირო დიდი პაგრი (ჩალმა) გიორთუნა, ნამუსჷთ მუნეფიშ ბეჭილ ბჟაკე-ოშმეშის დო ბირგულაშახ გჷრძე თუმას იტყობინუანა. თაშნეშე თინეფიშ უგურთუ ატრიბუტი რე ფოლადიშ სამაჯური, ორცხონჯი დო ჭიჭე ყამა.
სიქეფიშო დუმახასიათაფალი რე გვარი „სინჰი“ („სინგჰი“), მუთ სანსკრიტის „ნჯილოს“ შანენს დო სიქეფიშ ქომოლობას გუთმუსვანს ღოზის.
ინდოარი კათაშ ბრიტანეთიშე ზოხორინალაშო ლჷმაშ ეპოქაშე მოჸუნაფილი, სიქეფი, ნამუთ მუნეფიშ რწუმას ერუანობაწკჷმა ამანგენან, პენჯაბიშ ინდოეთიშე ზოხორინალაშო ლჷმენა. სიქი სეპარატისტეფიშ ხეთ, 1984 წანას ჸვილირქ იჸუ ინდოეთიშ პრემიერ-მინისტრი ინდირა განდიქ.
რესურსეფი ინტერნეტის
[რედაქტირაფა | წყუშ რედაქტირაფა]- SikhMuseum.com
- Sikh History Web Portal Archived 2021-05-08 ვებ-ხასჷლას Wayback Machine.
- Sikh Philosophy Network An Online Sikh Discussion Forum
- SinghSahib.com ~ a complete portal on Sikhism
- Sikhs.org
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |