ნაწახნაკა

ვიკიპედიაშე
(გინოწურაფილი რე სკულპტურა-შე)
ვეშქოჩირთან გეჸვენჯი შანულამობაშა/შანულამობეფშა: სტატუა.
სკულპტურა. დავითი, მიქელანჯელო

ნაწახნაკა, სკულპტურა (ლათ. sculptura, sculpo — გიშაჭკირუა, ბთოლუნქ) — მეჯინური ხელუანობაშ პლასტიკა — ამნახანტი, ნამუშ აკოქიმინუას უღჷ ონტირონი ფორმა დო ირსულებჷ ბეკერე ვარ-და პლასტიკურ მასალეფშე.

სკულპტურეფიშ თარი ჟანრი რე — პორტრეტი, ისტორიული, ოჸოფარინე, სიმბოლური, ალეგორიული ამნახანტი, ჩხოლარეფიშ ნახანტი. სკულპტურეფიშ ხანტურული  ამნახანტი რე ონტირონი ფორმაშ გოჭყაფა, პლასტიკური მოდელირაფა (წახნაკუა), სილუეტიშ გოჭყაფა, ფაქტურა, კანკალე შვანს ფერით.

გიშმაგორჷნა მორგვალე სკულპტურას (სტატუა, ბუნეფი, სტატუეტი, ბიუსტი, შილებე შხვადოშხვა განშე გოჯინა) დო რელიეფურს (მუჟანსჷთ ამნახანტი გედგჷ ბირტყას). მონუმენტური სკულპტურა, ძეგლეფი, მონუმენტეფი ურთიართობას რე არქიტექტურულ კუნთხუწკჷმა.

სკულპტურეფიშ აკოდგონალუა შილებე ორდას მეტალი, ქუა, ჭუბერი, ჯა, თაბაშირი დო შხვა. თიში დამუშებაშ მეთოდეფი რე წახნაკუა, ძერწუა, ეშაცხაბარუა, გიშაკვათუა, გიშათოლუა დო შხვა.

ლიტერატურა[რედაქტირაფა | წყუშ რედაქტირაფა]