დინორეშა გინულა

სუნე ბერგსტრიომი

ვიკიპედიაშე
სუნე ბერგსტრიომი
შვედ. Sune Bergström
დაბადებაშ თარიღი:

10 ღურთუთა, 1916

დაბადებაშ აბანი:

სტოკჰოლმი, შვედეთი

ღურაშ თარიღი:

მარაშინათუთა 15, 2004 (88 წანერი)

ღურაშ აბანი:

სტოკჰოლმი, შვედეთი

მენოღალობა:

შვედეთიშ შილა შვედეთი

ომენცარე სფერო:

ბიოქიმია

სამუშაშ აბანი :

კოლუმბიაშ უნივერსიტეტი
ნობელიშ ფონდი

ალმა-მატერი:

სტოკჰოლმიშ უნივერსიტეტი

ჯილდოეფი დო პრემიეფი:

გაირდნერიშ პრემია (1972)
კამერონიშ პრემია (1977)
ლუიზა გროს-ჰორვიციშ პრემია (1975)
უელჩიშ პრემია ქიმიას (1980)
ნობელიშ პრემია ფიზიოლოგიაშ დო მედიცინაშ დარგის (1982)

კარლ სუნე დეტლოფ ბერგსტრიომი (შვედ. Karl Sune Detlof Bergström; დ. 10 ღურთუთა, 1916, სტოკჰოლმი, შვედეთი — ღ. 15 მარაშინათუთა, 2004, სტოკჰოლმი, შვედეთი) — შვედი ბიოქიმიკოსი, პროსტაგლანდინეფიშ მენცარული რკვიებაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1982 წანას. პრემია მიპალუ ბენგტ სამუელსონი დო ჯონ ვეინიწკჷმა ართო. ბერგსტრიომი გურაფულენდჷ სტოკჰოლმიშ უნივერსიტეტის. რდჷ შხვადოშხვა პრემიეფიშ დო ჯილდოეფიშ ლაურეატი. 1972 წანას გინოჩეს გაირდნერიშ ფონდიშ პრემია, 1977 წანას კამერონიშ პრემია. 1975 წანას ბერგსტრიომის კოლუმბიაშ უნივერსიტეტიქ გინოჩჷ ლუიზა გროს-ჰორვიციშ პრემია. 1965 წანაშე ბერგსტრიომი რდჷ შვედეთიშ მენცარობეფიშ ომაფე აკადემიაშ დო შვედეთიშ ინჟინერული მენცარობეფიშ ომაფე აკადემიაშ მაკათური. 1985 წანაშე ბერგსტრიომი რდჷ პაპიშ მენცარობეფიშ აკადემიაშ მაკათური. ბერგსტრიომი 1983 წანაშე რდჷ შვედეთიშ მენცარობეფიშ ომაფე აკადემიაშ პრეზიდენტი დო 1975-1987 წანეფს ნობელიშ ფონდიშ დირექტორი.

რესურსეფი ინტერნეტის[რედაქტირაფა | წყუშ რედაქტირაფა]