ტაიტი

ვიკიპედია-შე
გეგნორთი: ნავიგაცია, გორუა
ტაიტი
ოდაბად. ჯოხო: Tahiti
Plage.sable.noir.Tahiti.JPG

ტაიტიშ ოძგალე

გეოგრაფია
Karta FP Societe isl.PNG
ორენი რჩქალი ოკიანე
კოორდინატეფი 17°25′00″ ობ. გ. 149°27′00″ ბდ. გ.
თარი კოკი ტაიტი
ფართობი 1,045 კმ²
უმაღალაში
ჭურჭული
2 241 მ
ოროენა
Flag of France.svg საფრანგეთი
Flag of French Polynesia.svg საფრანგეთიშ პოლინეზია
უდიდაში ნოღა პაპეეტე (მახ. 131,695)
დემოგრაფია
მახორობა 178,133 (2007)
მეჭედალა 170 ად. /კმ²
საფრანგეთიშ პოლინეზიაშ ორენი

ტაიტიკოკი რჩქალი ოკიანეშ ობჟათე ნორთის, საფრანგეთიშ პოლინეზიას მადვალუ ჯარალუაშ კოკეფიშ ბუნას (Îles de la Société). ტაიტი საფრანგეთიშ პოლინეზიაშ კულტურული, ეკონომიკური დო პოლიტიკური ცენტრი რე. თე ლაკადამ კოკი ვულკანური გჷნაჭყაფიუ რე დო აკოხურგილი რე მანჯანიშ რაქეფით. მახორობა აკმადგინანს 178,133 ადამიერს (2007), თაქ დუდს აკმიკორობანს ედომუშამი საფრანგეთიშ პოლინეზიაშ მახორობაშ 68.6%.

ტაიტიშ ნანანოღა — პაპეეტე, ნამუთ კოკიშ ოორუე-ბჟადალ ოძგალეს იდვალუაფუ. თაქ რე აკა აეროპორტი ნთელ რეგიონს, ნოღაშ ცენტრიშე 5 კმ-იშ დოჩილითაფათ. ჩქ.წ 300-800 წანეფს, ტაიტი დოხორელი რდჷ პოლინეზიარეფით. 1880 წანაშე, ტაიტი საფრანგეთიშ კოლონია რე, მორო 1846 წანაშახ აბანობურეფს საფრანგეთიშ მენოღალობაშ დჷმადასურაფალი ოფიციალური დოკუმენტეფი ვა ერზიებჷნა. აკა ოფიციალური ნინა რე ფრანგული, მორო აბანობურ, ტაიტურ ნინაშა მარაგადეეფით ობაღებელო მიარე მენოღალე რე.

გეოგრაფია[რედაქტირაფა | წყუშ რედაქტირაფა]

ტაიტიშ რუკა

ტაიტი საფრანგეთიშ პოლინეზიაშ უდიდაშ დო უმაღალაშ კოკი რე. ჰავაიშე 4. 400 კმ-ით ობჟათეშე იდვალუაფუ, ჩილეშე 7.900 კმ-ით ბჟადალშე, დო ავსტრალიაშე 5.700 კმ-ით ბჟაეიოლშე. კოკიშ სიგჷრძა 45 კმ. რე, ფართობი — 1.045 კმ². უმაღალაში ჭურჭული რე ოროენაშ გვალა (2,241 მ).

ტაიტიშ ცენტრალური ნორთი დახე უდუხორუ რე. თაქ გჷშაკერძაფილო მიარე მორჩილი მაფერი რე.

კლიმატი[რედაქტირაფა | წყუშ რედაქტირაფა]

გერგობათუთაშე პირელშახ, ტაიტის ლამე სეზონი რე. არძაშე ჭვემამ თუთა ღურთუთა რე (335 მმ). უსქირაშ თუთა — მარაშინათუთა (48 მმ).

ოშქაშე წანმოწანურ ტემპერატურა რე 21 °C - 31 °C. ტემპერატურაშ არძაშე დაბალი, რეკორდული მაძირაფალი დოფიქსირაფილი რე 16 °C, დო არძაშე მაღალი — 34 °C.

პოლიტიკური ნწყუალა[რედაქტირაფა | წყუშ რედაქტირაფა]

ტაიტიშ მახორუეფი საფრანგეთიშ რსულალობამ მენოღალეეფი რენა ედომუშამ ომენოღალური და პოლიტიკური ნებეფით. ოფიციალური ნინა ფრანგული რე. ეიოშანალი რე, ნამჷ-და 1960-70-იან წანეფს, ნწოფულეფს ტაიტურ ნინაშა რაგადი ხოლო ვა შილებედჷ. ასეშო სიტუაცია თირელი რე დო ტაიტური ნინას ნწოფულეფს ზოხო საგანო ოგურუანა.

ტაიტი საფრანგეთიშ პოლინეზიაშ ნორთი რე, დო თე ეკონია საფრანგეთიშ გვერდოავტონომიური ტერიტორია რე, დორხველი ასამბლეათ, პრეზიდენტით, ბიუჯეტით დო სამართალით. საფრანგეთიშ გოლინა ჯინჯიერო სუბსიდიეფშე, გონათუა დო უთხილუობას ილინუაფუ.

საფრანგეთიშ პოლინეზიაშ თეჟამიან პრეზიდენტი, ოსკარ ტემარუ, საფრანგეთშე ედომუშამ ზოხორინალაშ მახუჯე რე, მორო თიშ თე მეჯინალობას მახორობაშ ხვალე 20 % ალურე.

2006 წანაშ 26 მანგის, საფრანგეთიშ ოკიანეთიშ რანწკით მაჟირა სამიტიშ მიმალუობაბორჯის, პრეს-კონფერენციას, საფრანგეთიშ პრეზიდენტიქ ჟაკ შირაკიქ გაცხადჷ, ნამჷ-და თიშ უმკუჯინუო, მახორობაშ უმენტაშობას ვაკო ზოხორინალან, შელებუანი რეფერენდუმიშო თე ოკითხეშო, მუმალს შარა გონწყუმილი რე.

დემოგრაფია[რედაქტირაფა | წყუშ რედაქტირაფა]

ტაიტარი ბარანეფი, 1906 წ.

ტაიტიშ მახორობა აკმადგინანს 178.133 ადამიერს (2007). მახორობაშ უდიდაშ ნორთის, 70%-ის აკმადგინანა აბანობური პოლინეზიარეფი. თაშნეშე ოხორანა მეტროპოლიაშე გჷნოხორელი ფრანგეფი 20% (უმენტაშო პაპეეტეს) დო ბჟაეიოლ აზიარეფი (უმენტაშო ჩინარეფი).

გონათუა[რედაქტირაფა | წყუშ რედაქტირაფა]

ტაიტის რე ფრანგული უნივერსიტეტი - საფრანგეთიშ პოლინეზიაშ უნივერსიტეტი. ოგურაფუს 2.000 სტუდენტი გურაფულენს. ოგურაფალი პროგრამა მიარეფერუამი რე, თინეფ შქას რე სამართალი, ეკონომიკა, მენცარობა დო ლიტერატურა.

ტრანსპორტი[რედაქტირაფა | წყუშ რედაქტირაფა]

ტაიტის იდვალუაფუ ფაააშ ოსაირქიანო აეროპორტი. ჯინჯიერი აბანობური ავიაკომპანია რე "ეარ ტაიტი ნუი". გჷნოყარაფიშ ხოლო ართი უშანულამაში ბუნა რე ბორანი.

სპორტი[რედაქტირაფა | წყუშ რედაქტირაფა]

ტაიტის სპორტიშ არძაშე პოპულარული ლაჸაფი რე რაგბი. ტაიტიშ რაგბიშ ნაკორობაქ დირსხუ 1989 წანას დო უკვე 1994 წანას ქჷმიაძინჷ რაგბიშ საირქიანო სხუნუს.

გალერეა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]