ტერაკოტაშ არმია

ვიკიპედია-შე
ნავიგაციაზე გადასვლა ძიებაზე გადასვლა
ცინიშ დინასტიაშ პირველი იმპერატორიშ საფულა

ტერაკოტაშ არმია
*
იუნესკოშ მოსოფელიშ მონძალაშ ობიექტი

Xian guerreros terracota general.JPG
ქიანა ჩინეთიშ შილა ჩინეთი
ტიპი კულტურული
კრიტერიუმეფი i, ii, iii, iv
ერკებული იუნესკოშ ერკებული
რეგიონი** აზია-ოკიანეთი
კოორდინატეფი 34°23′06″ ოორ. გ. 109°16′23″ ელ. გ. / 
კათაფაშ ისტორია
კათაფა 1987  (მა-11 სესია)
ნომერი 441
* ქძ. ინგლ. ჯოხო UNESCO-შ ერკებულს.
** იუნესკოშით კლასიფიცირაფილი რეგიონი.

ტერაკოტაშ არმია ორენი ჩინეთი

Locator Dot2.gif
ტერაკოტაშ არმია, ჩინეთი

ტერაკოტაშ არმია (ჩინ. 兵馬俑) — 8099 ნატურალური მასშტაბიშ, გიშაჭვილი დიხაჭაბუშ, ტერაკოტაშე კეთებული ჯარიშკოჩეფიშ დო თინეფიშ ცხენეფიშ გიმოხანტუა ნოღა სიანიშ გოხოლუას, ჩინეთის. პირველი ნაჭახნაკუს მიოგორეს 1974 წანას, გიოხვილეს, ინჭაშ ნთხორუაშის. ტერაკოტაშ არმია იდვალუაფჷ ცინიშ დინასტიაშ იმპერატორ ცინ შიხუანდიშ საფულაშ ხოლოს, ნამუქჷთ ღურჷ ჯვ. წ. 210 წანას. ცინ შიხუანდიშ ონთხორეში კომპლექსი ნოღა სიანიშ ბჟაეიოლშე, შანსიშ პროვინციას იდვალუაფჷ დო აკიგჷ იმპერატორიშ დოხორეშ კონსტრუქციაშ მეჯინათ. კომპლექსი აკმოდირთუდჷ ანდა ჩანიშე, ნამუეფჷთ ონთხორეში გაშ მუკი-მუკი იდვალუაფუდჷ. მავზოლეუს ელმოლს გოუნდჷ ტაბაკელ დიხაშე ჸონიერო აკნაგებჷ კიდალა, ნამუსჷთ გიშაჭკირილი რდჷ კარმინალეფი. ისტორიკოსი სიმა ციანიშ (ჩინური ისტორიოგრაფიაშ ბაბადიდი. ჯვ.წ. 145-90 წწ.) მეჯინათ, ათე მავზოლეუმს მუშობა დიჭყჷ ჯვ.წ. 246 წანას, ცინ შიხუანდიშ ხვისტაშა ეშულაშე მუსხირენ ხანიშ უკული (დიო ხოლო იმპერატორო გინორთინაშახ). მუში არძაშე ჩინებული ნახანდის "შიჯი", ჭარუნდჷ, ნამჷ-და პირველი იმპერატორი ნთხორეს დოხორეეფწკჷმა, ყორშეფწკჷმა, ოფიციალურ პიჯეფწკჷმა, ანდაღებულ არტეფაქტეფწკჷმა დო სქვამ მეკონეფწკჷმა ართო. ათე ნახანდიშ მეჯინათ, ვარჩხილიშწყარიშ მეშქაშუათ, 100 წყარმალუ რდჷ იმიტირაფილი დო თინეფიშ ჟიშე ჭერი გასქვამებული რდჷ ცაშური რსხულეფიშ. ბოლობორჯიანი ომენცარე სამუშეფიშის ონთხორუე გაშ დიხას მიოგორეს ანდა მუდანობაშ ვარჩხილიშწყარს, ნამუთ ადასურენს სიმა ციანიშ ჩინებეფიშ სითინეს.

რესურსები ინტერნეტში[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:
იუნესკოშ შილა მოსოფელიშ მონძალა
UNESCO, ობიექტი № 441
რუს.ინგლ.ფრ.