| პროვინციული შანულობაშ ნოღა
|
სიანი (ჩინ. 西安) — სუბპროვინციული შანულობაშ ნოღა ჩინეთის, შენსიშ პროვინციაშ ადმინისტრაციული ცენტრი.
სიანი 3100 წანაშ უმოსი ხანერობაშ რე, გორკვიაფილჷ ბორჯის მოსოფელიშ უშხუაში ნოღა რდჷ (მუჭოთ ფართობით, თეშ მახორობაშ მუდანობაშ მეჯინათ). სიანი — ჩინეთიშ ართ-ართი შანულამი ისტორიული დო კულტურული ცენტრი რე; ქიანაშ ისტორიას 13 სახენწჷფოშ ნანანოღა რდჷ — კერზოთ, ჯოუშ, ცინიშ, ხანიშ, სუიშ დო ტანიშ დინასტიეფიშ პერიოდის (თე სახენწფოეფიშ ნანანოღეფი თეხანური სიანიშ ცენტრიშ გოხოლუაშ შხვადოშხვა აბანს იდვალუაფუდჷ).
ნოღაშ ჯვეში ჯოხოდვალა — ჩანანი (ჩინ. 長安), ითანგჷ მუჭოთ — ხანგჷრძე თინჩალა. ნოღა სიანი (ჩანანი) ღი ოვაჭარე ქერვანედიშ დოშანაფაშ აბანი რდჷ, ნამუთ აბრეშუმიშ კაბეტი რზათ ჩინეთშა მიშჷნ. ნოღაშ გოხოლუას იდვალუაფჷ ჯვეში ჩინეთიშ ყირული საფულეფი, თინეფს შქას ცინ შიჰუანდიშ მავზოლეუმი ტერაკოტაშ არმიათ.
