ტიტუს ლივიუსი
| ტიტუს ლივიუსი ლათ. Titus Livius | |
 | |
| დაბადებაშ თარიღი: |
ჯვ.წ. 59 |
|---|---|
| დაბადებაშ აბანი: |
პატავიუმი, რომიშ რესპუბლიკა (ასეიან პადუა, იტალია) |
| ღურაშ თარიღი: |
ახ.წ. 17 (74-75 წანერი) |
| ღურაშ აბანი: |
პატავიუმი, რომიშ იმპერია |
| ერუანობა: | |
| საქვარუა: | |
| Magnum opus: | |
| ნინა: | |
ტიტუს ლივიუსი (ლათ. Titus Livius; დ. ჯვ.წ. 59, პატავიუმი, რომიშ რესპუბლიკა (ასეიან პადუა, იტალია) — ღ. ახ.წ. 17, პატავიუმი, რომიშ იმპერია) — რომაალი ისტორიკოსი, მონუმენტური ნახანდიშ "ისტორია ნოღაშ დორსხუაფაშე" ავტორი.
ტიტუს ლივიუსი დაბადებე პატავიუმს, დოხოლაფირო ჯვ.წ. 59 წანას. დოხოლაფირო ჯვ.წ. 30 წანას ლივიუსის რომშა მიდურთუმ სოდეთ თისი ჯგირი გონათაფა მეუღებუ. დაინტერესბული ჸოფე ისტორიათ, ფილოსოფიათ დო რიტორიკათ.
ტიტუს ლივიუსი რდჷ ავგუსტუსიშ მაჸალე, მარა ლივიუსი პოლიტიკას ვამონაწილენდჷ დო მუთუნნერი პოსტი ხოლო დღას ვაუკებუდჷ.
ლივიუსი რინაშ ბოლო წანეფს პატავიუმს ცხოვრენდჷ, სოდეთ დოღურე ახ. წ. 17 წანას.
ტიტუს ლივიუსიშ უდიდაში ნახანდი რე "ისტორია ნოღაშ დორსხუაფაშე" (ლათ. Ab urbe condita), სოდეთ ეჭარილი რე ანტიკური რომიშ ისტორია, თიში ლეგენდარული დორსხუაფაშე (ჯვ.წ. 753 წანა), ნერონ კლავდიუს დრუზუსიშ (ჯვ.წ. 9 წ.) ღურაშახ. ნახანდი იკათუანს 142 წინგის, ჸათავრეშე ჩქინი ბორჯიშა მაჭირინუ 35-ქ. გინოსქილადირი წინგეფს ეჭარილი რე პერიოდი ჯვ.წ. 293 წანაშა (წინგეფი 1-10) დო ჯვ.წ. 219-შე 166 წანაშახ პერიოდი (წინგეფი 21-45).
ლიტერატურა
[რედაქტირაფა | წყუშ რედაქტირაფა]- Dorey, Thomas Allen, ed. (1971). Livy. London: Routledge. ISBN 9780710068767.
რესურსეფი ინტერნეტის
[რედაქტირაფა | წყუშ რედაქტირაფა]- ტიტუს ლივიუსი ენციკლოპედია ბრიტანიკას
- ლივიუსიშ ნახანდეფი Perseus Digital Library-ის
- ტიტუს ლივიუსი - ნახანდეფი პროექტ „გუტენბერგის“
- ლივიუსიშ ნახანდეფი LibriVox-ის