ტომასო ალბინონი

ვიკიპედიაშე
ტომაზო ალბინონი

ტომასო ჯოვანი ალბინონი (დ. 8 მანგი 1671, ვენეცია - ღ. 17 იანარი, 1751 ვენეცია) ბაროკოშ ეპოქაშ ვენეციარი კომპოზიტორი დო ვირტუოზი მევიოლინე. ამდღარშო ჯოხოგოლაფირიე მუში ოპერეფით დო "ადაჟიო სოლ მინორით".


ბიოგრაფია[რედაქტირაფა | წყუშ რედაქტირაფა]

ალბინონშე ბრელი მუთუნი ვარე რჩქინელი. დებადჷ ვენეციას, მუამუში ანტონიო შელებუანი გუმმაჩამალი რდჷ. ტომასო ბაღანობაშე გურაფულენდჷ ვიოლინოშ მეგამას დო ბირას. 1691 თიში მაართა ოპუსი პიეტრო ოტობონს მეუჯღუნჷ. ჩინაფილიე ნამუდა ოტობონი მუსიკაშ დიდი მოჸოროფე რდჷ დო ულუანდჷ თიშნერი კომპოზიტორეფს, მუნერით არქანჯელო კორელი რდჷ. ოეგებიეთ, ალბინონქ მევიოლინეთ მუშება 1700 წანას ჩარლზ IV წკჷმა დიჭყჷ, ნამუსუთ მაჟირა ოპუსი მეუჯღუნჷ. 1701 წანას თიქ დოჭარჷ ჯოხოშნელი სუიტეფი - მასუმა ოპუსი, ნამუეფუთ კოსიმო III დე მედიჩიშ მეუჯღუნჷ. 1705 წანას თიქ დექორწინჷ. თე ბორჯისთიქ ჯოხო ოპერეფით გიჸოთჷ მუჭოთ ვენეციასჷნ, თეშ გენოას, ბოლონიას დო ნეაპოლს. თე ჟამს თიქ თაშნეშე დოჭარუ სოლო სონატეფი დო კონცერტეფი ჰობოიშო. შხვა კომპოზიტორეფშე გინორთათ, ალბინონი დღას ვა ქარანენდჷხ ოხვამეს დო ვა ჭარუნდჷ ოოხვამური მესეფს, მუდგათ თიშა მიმოწურუანა, ნამუდა მუსიკას ზოხორნელო ჭარუნდჷ. მეხოლაფირო 1740 წანას მაართათ იბეშტჷ ალბინონიშ ოვიოლინე სონატეფქ.

მუსიკა დო გოლინა[რედაქტირაფა | წყუშ რედაქტირაფა]

თიქ დოჭარჷ 50 ოპერა, ნამუეფშეთ 28 იჭარჷ ვენეციას 1723 - 1740 წანეფს. ალბინონიშ მუსიკაქ ბახიშ თოჸუჯი ქიმკიჭოფჷ დო თიშ ნაწარმებეფშე 2 ფუგა დოჭარჷ. ალბინონიშ ნაწარმებეფიშ დიდი ნორთი მაჟირა მოსოფელიშ ლჷმაშ ბორჯის მედინჷ.

ბეშტელი ნაწარმებეფი[რედაქტირაფა | წყუშ რედაქტირაფა]

ოპერეფი[რედაქტირაფა | წყუშ რედაქტირაფა]